24h購物| | PChome| 登入
2006-08-27 16:36:09| 人氣1,595| 回應12 | 上一篇 | 下一篇

從婦女團體的假公義反映港人社會的集體通病

推薦 0 收藏 0 轉貼0 訂閱站台

《壹本便利》刊登女星鍾欣桐更衣的偷拍照，事件引起各界關注，並掀起一連串討伐壹傳媒怒潮，當中反應最大的婦女團體以「踐踏女性尊嚴」為由強烈譴責壹傳媒的報導手法。就「踐踏女性尊嚴」一詞，筆者便想起大概一年前，章小蕙被某週刊拍到試衫時不慎露出半球，事後章小蕙既得不到鍾欣桐般群起聲援的待遇，反而一度被群眾用「讓半球」來揶揄，請問，當時婦女團體以及各界團體到底去了哪裡？

我並不是要維護《壹本便利》，事實上我向來都不喜閱讀此類雜誌，而且今次《壹本便利》的做法確實責無旁貸，然而筆者要批判的對象卻是群眾：同樣的兩宗偷拍事件，何以外界的反應會如此差天共地呢？這問題很值得一班港式八卦思維的愚民自省思考，阿嬌的一輯照片不比章小蕙的半球暴露洩底，但她的優勢是在於雙生兒的活潑乖乖女形象，再配以受冤過後的兩行眼淚，一副受害者的姿態，形形色色懾在眾人眼簾，煽動群眾情緒；反觀向來慣以低胸盛裝的章小蕙，自與前夫鍾鎮鑄離婚後，屢次傳出勾搭富商的新聞，加上其突然宣告性感無底線地投身娛樂界，因而予人一種愛出風頭、過於賣弄性感的妖孽形象，深受坊間女性的排斥。可是在一個真正擁有民主、民智的社會，姑勿論當事人的形象正面與否、事件動機有否可疑，只要雜誌傳媒一刊登類似的有辱女性的照片，婦女團體便要挺身而出，因為這是爭取公義的責任。如今婦女團體的「重嬌輕蕙」的「大細超」做法，實在難以說服人。

再從此兩宗事件風波，真確的反映出港人社會的集體通病——對於「形象」兩字的過份執迷。香港人看待一個人，首先留意他的容貌，繼而再看看職業、家庭背景、言行舉止、衣著品格……最後便在這個人上訂下一大堆不切實際的「形象」假設，例如一個年輕美女化了一臉艷妝，穿了一套低胸吊帶連身超短裙，外人隨而會這樣想：她性感美麗，她一定有很多男朋友，她的性態度一定很開放等等，然而所謂的「形象」根本就是外人在他人身上付諸的假設，說到底你也毫不認識「形象」以外的真實的回事，當一個人愛八卦的同時又欠缺獨立分析及思考能力，便會單靠「形象」這個不夠力的憑證來處決一切，及衡量一個人的價值。縱使其他國家的社會也有如此的情況（尤其全世界的法庭審判也有「形象分」的計算納入在案），但情況的嚴重性總不及港人般惡劣，就近年來的本地八卦圈而言，群眾對一些負面人物如成龍、章小蕙、欣宜、葉璇等諸多作出形象上的攻擊可見，港人還是一個民智未成熟的社會，那難怪外國的搖滾樂、成人書刊、Hardcore工業以及日本的AV工業這類帶有偏門色彩的發展工業，在港早已落根卻一直未有萌芽的時機吧！香港出產不了一個具衝擊性的政治領袖、搖滾樂隊以及如瑪麗蓮夢露、麥當娜般的性感女神來帶動社會的開明進步，這可算是由根深柢固的「形象觀念」所制肘。

我要檢舉
#鍾欣桐#婦女團體#偷拍#壹本便利
台長： 毅

您可能對以下文章有興趣

人氣(1,595) | 回應(12)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
阿SUE
香港就係咁樣, even一d所謂 ”鍾意藝術文化” 人士, 對有負面新聞既人, 會加多兩錢肉緊 ”攻擊”, 根本無分析背後原因, ......人地扑女搞野關我地燃事咩? 杜魯福, 溝口健二 扑大把女啦, 又唔見佢地講?
2006-08-27 18:42:18
蕉蕉
我真係覺得大部分香港人係變態!!!!!!明明自己鐘意睇, 但係又怕俾人知, 好似呢次件偷拍事件咁, 係, 係有好多人投訴, 但係重有更多人俾錢出黎買一本便利睇(加印完又加印)....我覺得佢地完完全全將”道德”呢兩個字胡亂咁扣係人地頭上面, 作為一個攻擊人既武器!!!!!

我唔知係邊度聽過人地講, 道德其實只係人地對你既睇法.....何止呀, 直頭係刀刀劍劍!

一直以黎我都講得好多人諗野既邏輯係好x錯, 一個人既成就唔係靠客觀分析佢響佢行業既所作所為, 而係睇佢玩唔玩女, 講唔講粗口, 呢d表面野. 你表面斯文, 就算係條廢柴都唔駛俾人鬧, 但係唔識做門面功夫, 就算有料, 條路都難行好多.....

最諷刺既係, 當我地睇到我地點樣出力去”捍衞道德”既同時, 面對其他更嚴重既不義(劫貧濟富, 性騷擾, 工作上俾人剝削, 歧視(呢個最最最緊要) 主流文化吞食小數文化-----呢d發生係你同我身上既周遭朋友身上)既時候, 我地竟然會束手自綑, 又或者同中招既朋友講: 係咁呀喇, 冇計喎......既同時, 有冇人同佢地講: 雖然大部份人覺得理所當然, 但係佢地係錯呢?

題外話: 死火! 唔寫新聞台之後覺得自己無哂語言組織力!!!
2006-08-27 23:22:59
Agnes
我認為阿嬌事件只不過係劉嘉玲事件借屍還魂嘅另一版本. 君不見東周刊事件過後, 雜誌媒體只有變本加厲?

另外, 我亦好討厭電台報導娛樂新聞嘅態度. 一班主持空擺出一副關心藝人近況姿態, 事實上卻不忘暗中諷刺佢地”身有屎, 做過怕乜認”. 查小欣之流有乜資格去批評?

其實我認為”娛樂新聞”應該正確報導娛樂界從業員消息, 而唔係要作娛樂性故仔去混淆視聽. 因為藝人生活係讀者眼中的確多姿多采, 所以先變成娛樂讀者嘅報導. 但今時今日, 娛樂報導已經失控, 班友仔點解唔諗下, 其實有讀者唔想睇呢d野架? 奈何衰人賤人俾正常人多.

BTW, 講番阿嬌, 咁講我應該會得罪支持阿嬌悍衛”公義”嘅人. 查實英皇擺出一副受害人態度出黎, 大家唔覺得好笑咩? 雖則阿嬌冇道理要任人公開佢身體構造, 但英皇背後攪乜勾當, 全人類都知. 佢地做左幾多唔見得光嘅事, 依家又扮到自己係正當生意咁. 唔好忘記, 當年推劉嘉玲舊照出黎, 係為左轉移公眾針對謝霆鋒嘅視線!
2006-08-28 00:17:43
蕉蕉
查小欣呢條八婆當年係同肥佬黎一齊製造出全港第一批狗仔隊既......老實講, 如其有影響力去做一個道德掌門人, 不如為娛樂圈既下一代製做一個好既環境(做一d有水準既戲同音樂, 唔好將d電影淪為一套套廣告雜誌或廣告歌only)...

下? 乜嘉玲姐單野係要黎救呀鋒哥仔呀?
2006-08-28 00:44:23
阿SUE
不過我懷疑一本便利加印, 唔係因為阿嬌, 而係因為d仲有好多麻甩佬想睇 陳莎莎 d噴血照片......阿嬌唔好 ”咁開心” 添呀, 呵呵......
2006-08-28 01:29:42
Agnes
>乜嘉玲姐單野係要黎救呀鋒哥仔呀?

Absoulutely. 不過當時唔係好多人發覺. 如果你有心查番劉嘉玲事件之前出版嘅雜誌, 本本都係寫謝霆鋒. 所以我先唔會認為阿嬌事件會令傳媒醒覺呵.

By the way, 身為一個女性, 唔理佢係英皇中共大日本, 俾人咁影法, 等於俾人用眼睛強姦, 果種羞辱唔係男人可以感受到, 真係!
2006-08-28 11:09:36
毅人
Agnes, 咁我覺得又唔關男人定係女人既事, 呢樣好視乎個人既性觀念而定, 性觀念保守既咪會好似你咁覺得係極度既羞辱lor, 而性觀念開放既咪會覺得:”都影唔到裸露,洗乜鬧到咁大呀”<---這係我從一些女仕口中聽返黎. 你或會話套用事外人既觀點唔公允, 咁好靳, 咁章小蕙呢?? 莫講話係佢, 早前網上流傳既新加坡女學生自拍性愛短片, 人地無遮無掩咁任人觀光, 女事主最後咪又理直氣壯咁高呼”no regrets!!!”

然而你話到”眼睛強姦”, 咁我都時不時用個心去強姦女人. 我只可以講句, 呢個世界男同女永遠係相沖, 男人天生對女人充滿遐想同偷窺慾, 而同時女人又阻止唔到男人根性既慾望, 只好響禮教之下得到保障, 與此同時女性更加要提高防備意識.

蕉蕉,
其實今次事件表面上似一面倒咁, 實際上仲係六四之爭. 以最基本既邏輯: 幫襯=支持. 尤其係事件曝光後, 明知係無恥之事時, 便利加印再次搶購一空一事可見, 支持便利做法既人圍數都唔少, 只係佢地唔出聲咁解. 當中亦有唔少”邊鬧邊睇”既不知所謂既人.

事情發展至今, 應該感受到資訊過於發達既可怕之處吧.
2006-08-28 22:53:13
Agnes
一個性觀念開放嘅人, 或者面對裸露視作等閒, 但唔等於佢認同別人借佢自己身體作出恥笑侮辱、唔等於佢自己唔覺得尊嚴重要. 呢個已經唔係性觀念開放或保守嘅問題, 而係人類定野獸嘅問題.
2006-08-28 23:12:35
毅人
咁我只可以好悲觀咁講, 呢個世界唔係人人都有義務去尊重你, 禮教之下既”尊重他人”呢四個字只係個口號. 所以, 其他人唔尊重你也好, 首先要自己尊重自己先.

我是較相信猴子進化的一套論說, 但更可悲的是, 有時候人比獸更兇殘無恥.
2006-08-28 23:56:24
毅人
再者,我上述既性觀念開放例子,唔再係”裸露視作等閒”咁簡單,而係容許他人作”眼睛上既強姦”,等於你問一個AV女優何謂尊嚴,佢可能會答你,佢地既尊嚴係來自愈多麻甩佬看著我被操的樣子.
2006-08-29 00:21:05
毅人
嗱, 講中哂啦, 阿嬌果句”我一直咁努力建立既形象, 而且我係小朋友既偶像...”

”形象”兩字簡直一語成籤, 香港人太勢利了, 如果今次事件換著係欣宜, 睇怕全港大部份市民會同便利同一陣線, 聯手欺侮.
2006-08-29 20:38:44
nick
一句講晒，好多香港人既價值觀完全扭曲，是非對錯拗極都拗唔清。踩就踩到盡，捧又捧到上天，所有事都兩極化，對得多呢些新聞真係好易令人精神分裂。

呢單野無疑係煲大左，本應當花邊新聞出現一，兩日，而家俾成蟲等吹成係香港人的事，總括來說就係孖妹過往幾年響香港確係無白混，在二人就係俾邊緣化之時發生單咁既野，二人或者可以吊命多一排。

一如以往，無論現在爭論得多激烈，一個月後，人人又會當無事發生過咁。健忘又唔懂得反省係港人專利
2006-08-30 21:30:32
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文