Ｎａｔａｌｉｅ 請給我一點溫暖~!

82愛的鼓勵 0訂閱站台

 最近好唔開心呀，好似樣樣都唔順心～

同同事之間，自從由我升職開始我不斷地受到評批！並唔係我自己要升架！點可以咁對人喎，我只係想安安份份咁留係度生存，有咁難咩，靜靜地係呢個是非之地生存左兩年，以為已經識應左．．．但點知加人工既代價真係大，真係令到我唔想再係呢度做落去！

 

ｊｏｙｃｅ，係我認為最好既朋友，我遷就佢既程度令好多人都睇唔過眼。但我從來都冇覺得佢過份過，因為我覺得我可以容忍到，但最近好似真係有少少過份！究竟係我過份定係佢過份呢？原來我會唔忍佢，冇諗過我會忍唔到佢，係咪我真係變左呢？對佢涼薄既說話，我受到傷害，心痛到好想喊．因為我當佢係朋友既同時，佢既說話話我知只係我自作多情，佢根本唔需要我！對我為佢做既一切都係多餘咁，係我硬要為佢做！

 

我拍拖有錯咩？個個人都要針對我呢點黎攻擊我！屋企人，朋友，開始覺得冇咩人了解我。返工唔開心，返到屋企又唔開心！

 

我唔係一個簡單既人，係一個有機心既人咩？我做每一件事都係諗過對我有咩利益先做架咩？可能我真係咁掛，唔怪之得我既朋友都愈黎愈少，我既屋企人都開始唔鐘意我啦！

 

連紹強都唔哄我！