上次講到１４號～又要繼續報告返先！
１５號，放假既日子，本身可以訓晏啲既～但係約左ｊｏｙｃｅ陪佢去剪頭髮，十點幾就起左身，十一點佢老公入黎車埋我出去沙田～剪完個頭髮都差唔多二點囉，個髮型師又慢喎～剪左個髮型ｊｏｙｃｅ唔係好鐘意，佢仲話係因為我冇幫佢睇住，嬲左我幾日～呵呵，真無辜！跟住行街，諗住買件衫生日著架嘛～本身睇中左一條裙，好鬼靚架～但又冇即時買，返轉頭買既時候，岩岩好比個女人買左，仲要係岩岩睇住佢比錢，真係唔抵！！激到死！行到四點幾就返ｊｏｙｃｅ屋企，因為紹強又去左佢地屋企打牌，我去到都冇野做，又唔識打悶到死～下次佢地去打牌我都係唔去啦！
１６號，出左街食飯同我慶祝生日，本身諗住去詠黎園食架～點知去到既時候，佢話因為補假所以休息一天！真係激死！最後去左黃大仙中心既八喜食，都算幾好既，不過就有啲貴咁囉～
１７號，返學～ｂａｓｉｃ ａｃｃｏｕｎｔｉｎｇ好鬼悶！本身係用中文教架～點知後尾因為有學生唔識聽中文，所以轉左用英文上堂！放學紹強黎接我，仲買左蜜瓜奶我飲，送埋我返屋企～真開心！
１８號，約左美美去食飯，佢仲叫埋家華去添～本身係叫埋紹強去架，不過佢又話怕喎！所以得我地三個人去食，去左食壽司，都幾好食呀～雖然唔食生野，但都幾好味！美美仲送左好靚靚既手鐲比我～呵呵．．．
１９號，公司同事同我去食ｌｕｎｃｈ慶祝生日，仲買左個蛋糕比我添，跟住我自己個部門同事又有得食蛋糕，真係開心，一日食兩個蛋糕，多謝哂咁多位！夜晚返學～約左紹強慶祝生日，本身要返學既～但我都係有返架，返到八點半點埋名先走人，嘻嘻！紹強黎接我放學，跟住我地搭船去尖沙咀食飯～佢仲送左仲好靚既頸鏈比我添，我好鐘意架，我著得好靚架，只係對鞋高左啲，所以腳有啲疼咁囉～食飽飯，行左一陣，紹強送我返屋企～仲要等到十二點鐘既時候同我講聲生日快樂，好ｓｗｅｅｔ～嘻嘻．．．
２０號，本身紹強要返工架，但佢請左假又陪我～我地等訓醒就出街，去左旺角左行一陣，跟住去左大埔拎回鄉證。夜晚約左ｊｏｙｃｅ佢地成班人去白石燒野食，好好玩呀～個個都玩得好開心，不過就係熱左少少咁囉～有燒乳豬，仲有蛋糕食，仲係我最鐘意食既楊枝甘露蛋糕添呀～超開心，我食左三件呀，超鐘意食！ｊｏｙｃｅ送左個袋比我，好靚，ｊｅｎｎｙ就送左對可以兩用既耳環比我，都係一樣咁鐘意～玩到十一點幾，返屋企～玩到好累！因為瘋狂左足足一個星期，真係要好好咁休息返下啦～
講住一個星期先啦～嘻嘻．．．
文章定位：
人氣(63) | 回應(0)| 推薦 (
0)| 收藏 (
0)|
轉寄
全站分類:
不分類
