Ｎａｔａｌｉｅ 請給我一點溫暖~!

82愛的鼓勵 0訂閱站台

已經兩個星期冇寫日記啦～最近真係幾煩，好苦惱．．．

８號，星期一通常放左工都係返屋企食飯既～

９號，約左紹強去睇戲，放左工去左食車仔麵，跟住係旺角百老滙睇。百老滙裝修好之後我都未去過～睇’我的機械人女友’都幾好睇，雖然啲時間上有少少亂。但總括都算幾ｏｋ呀～睇完出黎，要由５樓行樓梯轉返落去，呢下真係好辛苦，行到頭都暈埋．．．睇緊戲既時候我姨姨又打黎問我去左邊，想點呀？以為我仲係中學生呀？想管住我同邊個一齊去街咩，我諗到左呢個年紀，佢地唔會管到我囉。

１０號，放左工要開大會，兩個月一次，其實次次都冇咩講，但始終都要開！開到六點半左右啦～約左ｊｏｙｃｅ去佢屋企整藍梅蛋糕，咁岩紹強又約左人係油塘比野佢，所以我地有得係油塘相遇，佢仲送我去藍田添～整蛋糕整到八點半到啦～今次好成功，但有啲唔係好記得點整，呵呵！跟住去左買ｋｆｃ等埋ｒｙａｎ返屋企一齊食～食完睇埋溏心風暴就走人。返到屋企又十一點半～

１１號，約左ｙｍｃａ既舊同學一齊去唱ｋ，慶祝生日順便玩下～玩到十點半我就走先啦，因為真係好累～紹強陪我講電話講到返屋企～開心．．．

１２號，第一日返學，好開心，好似以前九月一日返學咁期待。可能係因為一年冇返學，太悶，返學始終有啲野寄託，係開心啲既～呢堂係讀ｅｃｏｎ，上堂就有一本厚厚既ｎｏｔｅ，原來以前係ｙｍｃａ既時候已經讀過，ｎｏｔｅ都係一樣既。開頭果半個鐘係度恰眼訓，之後就好好多，寫左好多筆記。放學紹強黎接我，又話帶埋萄撻比我食，點知我早左少少放，所以佢趕唔切買。最後我地搭船返去尖咀買左個魚柳包食～佢又送我返屋企，真係好開心！

１３號，冇野做，乖乖地留係屋企，因為玩左太多日。起身十二點，出左同阿姨去食茶。阿姨又係度講道理，我當然有聽架啦，但有時同一番說話講得太多既時候就會令人好反感架啦～我明白長輩既擔心，但我真係想佢地都尊重下我既感受。我諗我阿姨真係當我係妹妹仔，作一個十分爛既故事黎比說話我聽～我想話我真係出黎做左四年野架啦，我真係出左黎呢個社會見識過，並唔係岩岩畢業容易信人講野既小妹妹．．．我知道佢地都係為左我好，係擔心我，但善意既說話我都明白。真係好唔開心，好想全世界都明白我，好怕會搞到關係好差，亦都怕會搞到分手～夜晚係屋企食飯．

１４號，中秋節，朝早同強強出左去～夜晚要返屋企食飯過節。食飽飯約左紹強出去，去左西九龍度睇花燈，雖然有啲無聊，但其實都只係為左同強強出去行下過中秋姐～九點出去，行到十二點X～返到屋企已點幾，好累，跟住係火車度都訓著左．．．

講住咁多先～下回分解！