Ｎａｔａｌｉｅ 請給我一點溫暖~!

82愛的鼓勵 0訂閱站台

又一個星期～今個星期有煩惱！

媽媽知道我同ｖａｎ分左手之後開始，不斷地向我施壓。我諗佢亦只會從錢既角度睇成件事～但我想佢明白，而家呢個社會已經再唔係盲婚啞嫁都可以組織一個家庭，再慢慢培養感情架啦！我想搵到一個適合我又愛我既人，其實都好合理～唔通佢有錢無論岩唔岩都應該接受佢？為左呢件事，我同佢解釋過千萬次，不論係心平氣和定係嘈交，佢都依然係唔理我。唔知係咪有對比，因為ｖａｎ同紹強有距離，所以媽媽更唔鐘意？究竟一份工作係咪斷定左一個人既成就？紹強亦都有一份正當既職業，唔通就唔可以睇下佢個人係點架啦咩？點解一開始就要咁否定佢！因為咁我同媽媽嘈交嘈得好勁，佢仲嬲左我，但我真係唔明白有必要咁樣咩？其實我真係好錫佢，只要佢開心，佢想我讀書進修我會去，佢想我繼續係銀行發展我都會繼續，但唯獨係呢樣，我一直都希望佢尊重我～咁樣真係令我好心痛亦都好大壓力。

我明白同紹強一齊，將來既生活未必可以好富裕，但我真係唔介意同佢一齊捱～我知道一個媽媽一定希望自己個女唔使捱可以開開心心，但要捱亦唔一定係好慘。只要可以好堅定咁兩個人一齊既話，我唔信就唔可以開心平淡咁生活。求下佢可以明白我～呢件事對我黎講一直都好困擾，真係煩左好多日。大家都話唔使咁執著於呢件事，但對於我黎講其實好重要～

星期一，同紹強去左食飯行街～佢話要買波衫，所以我陪左佢去．買完之後我地去左間餐廳度食飯，幾貴但都ｏｋ好食既。

星期二，返左屋企食飯～

星期三，本身約左美美去做ｇｙｍ，點知佢又整親隻腳，佢話冇咩事喎～但我唔會信佢架，費事佢有又再整親既機會，所以我話唔去做ｇｙｍ同佢去食飯～就係呢日媽媽打電話黎轟炸我，咁岩我ＥＱ又低左少少，所以同佢嘈起上黎仲要係公司，所有人都聽到我發火，真係好失禮！同美美傾左我既心事，真係講到我想喊．．．但傾完都好啲啦～

星期四，約左個舊同學食飯～放工同班同事一齊走，係旺角等埋ＪＡＣＫＹ就一齊去食飯，佢岩岩轉左新工，保險，我同佢講左我買左，佢就冇再問我ＬＵ～反正大家係同學嘛，都可以坦白咁講既！再傾下閒計咁，九點就走啦～

星期五，返左屋企食飯。又同媽媽嘈一餐，其實只係想解釋比佢聽．好可惜佢咩都唔聽，咩都堅持住自己果套～果日好唔開心，唔開心到要喊．只係唔明白我冇做錯Ｄ咩，只係拍拖姐～喊左好耐，唔敢同紹強講，好怕會影響到我地既關係！

星期六，一早起身整芝士煙肉批比紹強食～同佢去街街．好開心，佢話好好食！我會繼續努力，仲要學整肉醬意粉比佢食～夜晚約左一班舊同事去食飯，七點鐘到尖沙咀～行左好耐，係星光大道，成九點先食野～十點就返屋企。超累，但訓之前仲要同紹強傾電話，傾到四點幾！

星期日，訓到一點，因為太累～起身飲茶，跟住冇咩做～又一日．．．

心情唔係太好，所以隨便交代一下算啦～