24h購物| | PChome| 登入
2009-01-31 14:30:45| 人氣119| 回應1 | 上一篇 | 下一篇

牛年～！

推薦 0 收藏 0 轉貼0 訂閱站台

新年過左啦~初四就開始返工啦~都幾好呀，有好多利是逗！不過人大左就開始愈黎愈少啦～哈，話自己仲細都唔得～

自從同紹強分開左之後，都冇再試過自己動手整野食～可能係冇心機又可能係懶，真係覺得自己既手藝退步左！今日諗住整曲奇餅，對自己有啲失望～冇諗過咁簡單既野都整得唔好，唉，好失望！

新年前，新年後，一樣係咁忙！太多約會啦～哈哈！好似話今年我又行桃花啦，成日都係咁講架啦，我不嬲都唔係好信呢啲野～因為我心入面已經有個人，我唔想放棄！

戀愛對我黎講好重要，朋友經常都問我一個問題：到底你係鐘意拍拖定係鐘意果個男仔呢？嘻，其實我都成日問自己呢個問題！我答梗係答話我真係鐘意佢先同一齊啦，但諗深一層，又好似真係想拍拖而拍拖。哈，我通常都知道自己點諗，但我從來都唔相信自己既諗法，因為咁我好少講我真正既諗法出黎比人聽！所以我成日會突然做啲好失常既決定，都真係幾難捉摸～

能夠勇敢去愛係一件好事，但我好似做唔到！一直以黎，我都係一個對愛情好勇敢既人，不過我開始改變啦～可能係人愈大，所考慮既條件愈多，發覺只有愛原來唔足夠，甚至懷疑愛係有條件有代價～面對同一個處境，係幾年前既我，毫不猶疑去做認為該做既事，亦從不懷疑對方對我既愛同埋自己既決定，再一次放盡全力去愛！只係過左幾年，而家既我已經做唔到，係咪唔夠當時咁天真呢？因為果時既回憶令到我今日有所改變，唔明，出左黎做野面對既野改變左我！

完全失去左安全感，但仍然愛呢個人，到底應該點做？

我要檢舉
台長： Ｎａｔａｌｉｅ
人氣(119) | 回應(1)| 推薦 (0)| 收藏 (0)| 轉寄
全站分類: 不分類

我要回應
小美
慢慢來吧!!
2009-02-03 09:25:37
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文