七月一日係ｊｏｙｃｅ既婚期，由佢十二月十二日果日同我講話佢要嫁果一刻開始，足足同佢一齊忙左半年，為左呢個婚禮，我好清楚見到一個女孩子既轉變。好大既感觸，一個婚禮涉及既野簡直係多到你諗唔到。每一項細節，都需要考慮到對方家人以致所有來賓，由酒樓既地點同菜式以至用來簽名的簽名筆，所有事情都要費心。睇住呢一切既發生，經過一段很長既時間，原來等既就是呢一日，七月一日的來臨。所有既野同準備功夫就在一日之內完成，由ｒｙａｎ完成了ｊｏｙｃｅ呢世人最重要既事。睇到果日既ｊｏｙｃｅ，我完全感到我所付出既一切都值得。希望佢地以後都可以好開心。幫佢準備既所有野都唔知點講出黎啦～因為實在太多太多，唯一好開心既係ｊｏｙｃｅ有一班好好既姊妹，而我亦識到一班好好玩既兄弟姊妹，希望可以繼續ｋｅｅｐ住做ｆｄｓ！
今日係七月六日，聽日開始榮榮就開始要去警察學校訓練２７個星期。每個星期佢只有星期六日可以出黎休息，而且平時仲唔可以講電話！我真係好唔捨得榮榮，每次諗到咁我就好想喊，冇榮榮陪我講電話，又冇得同榮榮報告行蹤。今晚去左佢屋企食飯，幫佢手執野，感覺時間過得好快，希望佢係學堂既日子都可以過得快啲，想同榮榮一齊影佢既畢業相。
不過覺得榮榮好似想同我分手咁，佢同我講話如果係呢段時間入面，識到一個好過佢既男仔，就唔好同佢一齊。我感覺到榮榮好似要放棄了，係因為佢覺得佢呢段時間會更加冇時間陪我，又覺得佢對我唔夠好，想我搵一個比佢更加好既人。雖然佢係咁諗，但我都會為自己既信念而堅持。我明白當我仲係愛佢既時間，我唔會同佢分手，但唔愛佢既話，有冇其他人既出現我都會同佢分手！我想佢明白呢一點。我會每日等榮榮電話，就算佢唔得閒打比我都唔緊要，我知佢一有時間就會打比我架啦～
前幾日ａｌａｎ同我ｍｓｎ，話佢覺得ａａｔ啲ｐａｐｅｒ好難考，我都覺得係呀，佢仲話佢同ｚｅｏｎ會一齊讀ｈｋｕ ｓｐａｃｅ既ａｄｖ.ｄｉｐ喎。既然佢地叻過我都唔得既話，加上我又真係考唔到，所以我決定要同佢地一齊讀，有佢地一齊讀可以睇住我嘛！應該會好啲既～要一齊再做同學，我好開心，可能仲可以識到啲新同學添呀！約佢地出黎傾下先，要了解下！
文章定位：
人氣(79) | 回應(0)| 推薦 (
0)| 收藏 (
0)|
轉寄
全站分類:
不分類
