24h購物| | PChome| 登入
2008-06-07 01:19:48| 人氣93| 回應1 | 上一篇 | 下一篇

黑仔王！

推薦 0 收藏 0 轉貼0 訂閱站台

星期一二放左兩日假，星期三開始返工，但另一位同事又開始放大假啦～所以一返工都幾忙。可能係因為一時間太忙既關係，所以今日同尋日都有做錯野，明明對左既野都可以出錯，真係奇怪，又真係好黑仔，咁都會睇漏眼既。唉，正所謂平時夠人既時候舒服慣，突然間咁忙真係做唔掂。所以呢兩日都做到死，好辛苦！但係下個星期一開始，我都唔可以再錯，因為唔可以比人睇死！！

今日放工本黎係約左美美去做ｇｙｍ既，不過由於大家都好累又好懶既關係，我地都係去左行街食飯。哈哈，攞哂啲野去行街都幾重～我就一直想買對鞋都買唔到，今日去睇嘛，見到岩果啲又冇碼喎，真係激死人啦～次次買親鞋都係咁黑仔既，唯有再慢慢留意下啦！同美美傾計，自己都覺得同以前既感覺唔同左，唔知係咪因為見少左呢？但我地既感情應該就唔會疏離左既．．．我覺得變左果個人係我囉，同以前既我，我都覺得有分別！不過美美一定係我既好好朋友！

呢個禮拜日日都落雨，真係幾煩！今日食飽飯果陣，我見冇咩野做嘛，咁我咪叫ｊｏｙｃｅ同我一齊去ｄｏ八達通囉。因為放工要搭地鐵，一出到去超大雨，咁ｊｏｙｃｅ就問我點呀？仲去唔去？要我做決定，咁我諗住又唔係走好多露天既路咪決定去囉，點知走唔夠幾步成對鞋都濕哂，返到公司，ｊｏｙｃｅ鬧到我死死下，哈哈．仲話對鞋可以倒得出水～真係唔好意心啦～嘻嘻．．．

聽日ｊｏｙｃｅ過大禮啦～我要去幫手，因為ｒｙａｎ成日都好冇唔想麻煩到其他人咁，我都係由ｊｏｙｃｅ叫我幫架咋。不過由我出口，本身得我同佢變成而家決定左有四個人，咁先係架嘛，人多ｄ先有氣勢架嘛，點都好睇啲啦～希望佢地幸福！！

我要檢舉
台長： Ｎａｔａｌｉｅ
人氣(93) | 回應(1)| 推薦 (0)| 收藏 (0)| 轉寄
全站分類: 不分類

我要回應
MeiYee
有時候我都唔知不變是好還是有改變先叫好!
不過呢有一樣係真既, 妳真係變咗好多, 唔再係小妹妹啦, 唔再係經常要人係身邊啦(除咗妳個愛人)
我明白大家都有各自生活嘛, 我唔介意見得少, 但希望唔會有距離啦, 可能係我多心但我仍覺得我哋有咗距離.......雖然係咁妳都知我隨時都歡迎妳, 找我講吓廢話咁啦!
妳見我有時打比妳都係希望聽吓把聲知道妳過得好就好了! ^0^
2008-06-15 21:39:17
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文