24h購物| | PChome| 登入
2008-07-07 23:43:13| 人氣74| 回應0 | 上一篇 | 下一篇

等你的來電！

推薦 0 收藏 0 轉貼0 訂閱站台

今日係七月七號，係榮榮入學堂既第一日。十分掛住佢，尋晚因為太唔捨得佢而喊左一晚，唔知今晚會唔會喊呢？佢今朝一早六點半就到左黃竹坑啦，ＳＥＮＤ左個ＭＳＧ比我，我梗係第一時間彈起身覆佢啦．因為怕阻住佢，所以唔敢打比佢。今日落左一日雨，佢訓練會唔會好辛苦呢？等左佢一日電話，仲以為呢兩日佢都唔得閒打比我，點知九點幾電話就響啦～我第一時間拎起個電話聽，第一句講既就係”我好掛住你”哈哈，真係唔知醜呀！不過真係好掛住佢，唔知係咪因為知道有兩個星期冇得見，所以特別掛呢．佢話呢個星期都可以打五分鐘電話呀，我好開心呀！日日等佢電話都好開心！！

今日係星期一再加上落雨，所以我又遲到啦～不過都有Ｄ習慣．反正一個月始終都會有一次遲既，早Ｄ遲就可以等我之後既三個星期預更加多既時間！等完病假返黎，個人一啲都唔想做野，仲想繼續放。可能因為ＪＯＹＣＥ又唔係公司啦，又搵唔到榮榮啦～覺得生活有啲苦悶，所以我呢排要多啲搵朋友出黎玩先得啦！

仲有一樣就係我要整曲奇餅比榮榮食，因為今個星期六日要返大陸，所以我決定要整啲曲奇餅比榮榮食。但睇落啲時間好似唔係好夠咁，想搵佢啲朋友拎比佢，又仲未搵到人喎，有啲擔心！不過我都一定會整架啦！！

今日ＪＯＹＣＥ　ＳＥＮＤ　ＭＳＧ比我呀，話佢而家搭緊車去威尼斯，仲話啲野好貴，又熱又冇水飲，下下要買喎～哈，希望佢玩得開心啦。

我要檢舉
台長： Ｎａｔａｌｉｅ
人氣(74) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文