講起小學所發生既事..六年就一定有架啦..我睇下記唔記得咁多先..打哂出黎..
1.第一次寫情信!!!....講你都唔信..我第一次寫情信就o係一年班...坐我隔離果個女仔寫信俾我..我基於禮貌理由...咪寫返俾佢囉....但越寫越多..仲有一次..佢俾埋佢張相我tim...但我返到屋企..我即刻把它送進垃圾箱既虎口裏啊...我果時我仲好細..我真係完完全全唔知道佢送張相俾我做咩囉....咁返屋企..梗係把它送進垃圾箱既虎口裏架啦...因為我一年班既智商係有問題...所以咪把它送進垃圾箱既虎口裏囉~~到左二年班分左班...到三年班見返面都唔熟啦....
2.第一次寫地址!!!....我第一次寫自己屋企個地址係......""刀龍徒固村跳回留xxxx室""....我而家睇返都覺得好笑....因為我當時係用一本美少女戰士記事簿黎寫的...而o係幼稚園時期我係好鐘意美少女戰士....集集都有追....!!!
3.四年班識左一個損友!!!!....呢個損友真係好損架....我記得我係o係四年班識佢...因為我好記得當時我四年班既數學係堂堂唔聽書既...搞到D數學而家咁...每一次既功課都係題題都錯..即係錯哂...每一日都留堂...每一日都同吳嘉杰一齊留..呢時..我識到佢...佢叫劉俊偉...但後來被我呀哥改左個名...叫"朱祥軍"...點解會咁改呢...因為呢個名O係一次電視節目中有....好似叫"星期一檔案"..好似話呢個人被自己同性既男仔同學性侵犯...我好記得係將枝鉛筆隊落果屎忽窿度...係呀..果個節目係咁架...因為佢果時好煩...日日打黎..問咩呀..抄功課呀...我就次次都俾一D錯既佢...返學對..佢錯一題就望住我...因為我五年班既數學有少少起色..所以佢問我..但有一次呢條仆街扮吳嘉杰把聲黎問我...佢明知我同佢最好朋友...我就好傻仔咁俾佢呃左...但我後來問佢一條問題..被我穿左佢既計...呢條問題係我借左一本俾杰...我問佢幾時還...但我就問果本書叫咩名...個仆街就三線俾呀杰...咁我知道自己中左計啦...就即刻CUT線....而家佢肥左好多...再而家都好少電聯LU...!!!
4.數學最後一次都合格!!!....我六年班最後一次考試..因為好緊要..所以數學唔可以再唔合格..所以我就帶哂四至六年班既參考書去溫...係咁溫係咁溫...終於都合格...六十二分...(六十分合格)....
5.第一次打交!!!!.....又係同呀""朱暢軍"打...我果陣時已經好憎佢..佢仲要個個小息跟住我...我真係好反感...佢有一次打我隻腳..我就撻返佢..我仲未學柔道...但睇電視都學左一招半式...撻左佢之後..佢係咁大叫..有個風紀走埋黎同我講.."做咩事打人"?.....我就同返佢講"佢打我先姐"....個風紀就好冇責任咁樣走開左...唔係去話俾老師聽..係去買野飲....
6.被人告!!!!....我地小息時成日玩追黎追去果一D架...但有一次好唔好彩..被自己班果個好有正義感既同學告發...累到我地要被老師寫HANDBOOK...!!
7.第一次上台表演!!...我同其他同班同學O係年班時要上台表演一個關於環境既戲劇...我上到台...我既角色只係企O係度...我既作用只係幫其他同學拎住D垃圾...但我一隻手拎唔哂...終於..有一個樽趺左落地下啦...其他同學臨危不亂咁樣幫我拾返D個樽...跟住俾返我..果時真係好瘀....!!
8.趺落街!!...唔係我...放心...係上體育堂既時候..我地學打排球..但而家點樣打法..點樣走位都唔記得左...只係知隻手點樣擺...真係慘...我仲好記得我好大力...因為我地學校操埸既鐵絲網都好高架...但我就梗係下下都好似發牌氣咁..將佢打到有幾高就幾高...終於...好不幸咁樣打高過鐵絲網...成個排球飛左落街...老師叫我即刻出街搵返俾佢...終於..好彩個排球冇俾人拎到..仲原封不動咁樣停O係某一處...咁咪拾返囉~~...!!
9.盜版!!...我美勞堂畫畫好鐘意抄第二班既板本...終於有一次...呢條計成功左..仲貼埋堂...
我只係記得咁多..諗到再打...但仲有一件事..好唔好意思咁樣打出黎...想睇既話咪O係留言板留言囉...
文章定位：
