24h購物| | PChome| 登入
2003-12-02 00:11:51| 人氣391| 回應0 | 上一篇 | 下一篇

阿爸一生佇菜市〈台語散文〉

推薦 0 收藏 0 轉貼0 訂閱站台


「透早天袂光／伊著趕出門／拍拼為著啥／妻兒佮三頓……」這是我即世儂寫兮頭一首台語詩，量其約仔共阿爸兮性命史刻佇我兮文學創作路頂懸兮一塊起行牌仔，伊會永遠徛佇遐。

阮老爸伊是佇菜市仔咧賣豬肉兮生意儂，會記兮伊定定共阮講一句話：「恁爸較早若毋是因為厝內無錢通互我讀嶺東，即嘛我無定著是貿易公司的董事長！」我逐擺若聽著即句話了後，心肝頭攏會溢出一陣酸酸兮無奈出來。伊是初中畢業了後考著私立嶺東會計專科學校，後來因為厝內散赤無法度共伊納遐爾濟兮冊費，落尾也成放棄著第一志願，改讀冊費較省兮大甲高農。我知影伊定定共阮三兮兄弟仔提起即段無奈兮過去，上主要是欲互阮知影佇這快活兮環境內底，著愛更加拍拼，跤步踏進前。

佇我細漢兮時陣，我定定宓佇燒hut-hut兮棉zioh被內底看著阿爸佮阿母毋驚霜凍來吭骨，透早兩三點天抑閣是紫藍色兮時陣，怹著相載去豬戶共豬爿載轉來菜市仔，了後阿爸著開始剝骨，煞落來著無閒規工囉。怹著開始招呼儂客，一直等仔夠欲晝仔儂客較少兮時陣，則敢越頭食一喙盈早起位厝內紮來兮飯丸，食無了儂客又閣來啊！嘛是因為按呢阿爸即二十規年來，胃則會定定咧無爽快。

為著欲互阮即三兮兄弟仔過著誠好兮生活環境，阿爸已經艱苦規落十年啊，已經有夠啊！阿爸──重擔會使沓沓仔放予囡仔家己去擔當，也汝家己薰嘛食較少咧。
2003.4.9．初稿
◎像片是2003年兮2月23日我佮老爸佇蘇比克灣兮夜婆園翕兮──

我要檢舉
台長： 蔡文傑
人氣(391) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 散文書寫 |
此分類下一篇:阿嬤．庫囉－－本文獲2003年《黑暗之光文學獎》
此分類上一篇:永遠的推手

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文