記:別有天香港分部的聚會,參加者有酒酒樂,觀雲,黓霧,晴雨,小鋒,赤井,阿擋,阿初,sunlly 和怒雪。
相約在傍晚六時,我先見到的是酒兄。酒酒樂風采依然,可惜剪短了頭髮,昔日的鋼線Look 不再,可惡的是他
竟然不見了上年我們買給他的一樽髮乳。
既然如此,我,甘草,將會挑戰勇者酒酒樂的酒壇神話,在公在私都唔可以俾
酒酒樂打直身子離開KTV的房間。
阿初到了...患了厭食的阿初加上一頭金髮,我幻覺自己和濱琪步突然在銀座約會。唔知阿初0的歌聲會否好似以前咁,
勾掉每個在場的靈魂..........佢話佢之前已經趕左幾個場,又燒烤又打邊爐又唱K,一訓醒又來唱過,果然係一個專業的
駐場歌手。@@
徒弟仔來了...我發覺原來我一直記錯她叫赤然銘之...原來她是叫赤井銘之～算吧!算吧!我地互宣一聲佛號,
就當是打了個招呼。
之後是阿擋,條死仔夠膽死病,搞到我想用車輪戰劈低酒酒的計劃又少左一份力量,唉~~~~~唯有期待死仔雲同小鋒
會拔刀相助......
死仔雲打俾我,佢仲係中環??????唔係嘛???已經六點啦喎!不過算啦,我同佢出街都係鬥邊個遲得耐0的。不過
佢遲到0既理由竟然係佢因為出街時要set 頭時,發覺唔見左枝定型水,要出街買過枝然後再set 頭。(聲明 :
死仔雲對佢自己個頭極度愛惜,經常出街前都要十五分鐘set 好個頭,整到有的藝術家feel先敢出街,就算係
落去大廈門口都要set,問你死未?)
唉~等等等~~~~~死仔雲到左,酒酒同阿擋都話佢個樣殘左....(點解我完全唔覺gei????)死仔雲的一身
騎師look,我企係度狂玩佢條褲個條繩,而佢就好無奈咁鬧我白痴...cccccc
我見從弟仔好似好悶,或者大家未熟啦~我就塞左本書俾佢睇,佢好似好開心咁接左來睇,但我覺得我自己好似好
不負責任....哈哈~算啦!徒弟仔會明白為師0既渴望佢成材的心態...wahahahahahhahaa
我地已經等左成半個鐘,晴雨同小鋒仲有怒雪都未到,酒酒樂開始係街上同阿擋咆哮,而阿初就繼續保持一臉
標準笑容,結果我就打俾晴雨問佢地係邊...
"女啊女,你而家係邊啊?"
"我....我........我唔知啊!"
"下!唔知?!係唔係想死?!!@$$%#$^@%&&^#!#$ (下刪一百句怨言)"
"我.....我.....我真係唔知嘛"
'........"
"我俾小鋒聽"
"喂喂~肥甘草...."
"小鋒你而家係邊啊?"
"呢個問題我答唔到你"
"........"
.
.
.
.
.
.
.
結果糾纏左好耐,佢終於話俾我知佢仲有兩個站就到銅鑼灣,我地就繼續係銅鑼灣吸塵。
十五分鐘後,個兩個站應該都過左啦,但仲未見人...身為前輩的酒酒樂開始擔心,擔心地鐵出軌、
小鋒俾晴雨劫左回家姦殺....結果再打多次俾佢地,原來佢地係地鐵站入邊迷路,唉~而家0的年輕人
真係醒目。結果赤井教路,佢地終於到左啦。
小鋒變成一個發福的學生哥,晴雨就消瘦左,仲殘左好多,佢地一來我就拉住小鋒密謀一陣點大戰勇者酒酒樂。
原來晴雨準備左秘密武器...
阿貓(黓霧)仲未到,結果我地就去左上左去唱先。
途中,我同所有人講,今晚0既目標係要阿初講多過三句野...
酒酒話好難喎!咁就更要向難度挑戰啦!
"嘩~Hello Kitty Big Echo??????????????????????????????"
大家見到無咀貓呢個名都開始神經衰弱,超有沖動想炸左成間房,因為實在太影響大家既唱K情緒啦!!
"喂~一陣call sunlly 來之時同佢講我地要左間係snoopy 既卡拉ok 房,連包鹽都係snoopy,咁佢定出啦"
"好~等佢一來之時,見到成房都係無咀貓,一個驚嚇,我地就可以........騎騎"
陰暗之處有一個陰謀在計劃.....
大家開始唱K啦,阿擋立即唱咪高歌一歌,佢話因為未開聲的關係,大家都聽到面部扭曲。
唱啊!
唱啊!
唱啊!
阿貓終於來左啦!佢既出現令全場突然鼓掌同嘩嘩大叫,點解呢?我都唔知喎,不過個個都係度嘩~
我咪又嘩埋一份law...
"肥甘,你唔使叫肥甘啦!叫大隻甘啦"阿貓瞇得雙眼接近成直線的對我說
"阿貓,你隻眼點解越來越細gei???????"
雲生介紹左房入邊咁多個人俾阿貓識之後,阿貓的目光停留係佢爆樽師父酒酒樂身上,雙眼係充滿
失望同失落,算啦阿貓,一陣你就知酒酒樂係一個幾咁變態0既人ka la。
我同死仔雲合唱左一首我們都是這樣失戀的,唉~竟然無對一個人愛錯,有無搞錯~
不過死仔雲好明顯係唔夠氣,唱得有0的失準。
到徒弟仔表現啦,佢唱范曉渲0既我要我們在一起,嘩嘩嘩嘩嘩~~~~~好正啊!估唔到我地又多一位駐場女歌手喎,我地個個聽到high 晒,啪晒手掌,正啊!忍唔住都要係呢度讚多佢一次。
令一位駐場歌手阿初見徒弟仔的風頭咁勁,即刻搶咪唱首日文歌,好似係相川七瀨的歌,點唱者係阿貓,阿初執起
枝咪果然成個唔同晒,把聲超放...抑揚頓挫,加埋佢既日本銀座look,我地有一位駐場免費日本女歌手,真好!!
呵呵~
正當大家聽到就來暈晒之時,突然音樂被人cut 左,原來阿貓手多多cut 左首野....大家請一齊胡佢啦
胡胡胡胡胡胡胡胡胡胡胡胡胡胡胡胡胡胡胡~~~~~~~~~~
有飯食.......酒酒勁催我快的食晒0的野,仲話我想借機縮沙,仲口出狂言話一定要我訓街,唉~睇下點??????
我又點會無準備而戰呢?ccccccc.....
到阿貓唱lui...好似係唱盧巧音的吶喊,嘩嘩嘩~(請大家又一齊嘩)我地又多一位駐場女歌手啦~
酒酒樂,阿擋同小鋒,好心你地啦~我地點可以成日叫0的女仔播CD我地聽ka ?你地都快的練好歌喉啦~一陣我地
唱個時俾人數青筋就唔好啦!!
終於開始啦!比賽規則─玩大話骰,輸者飲半杯。
好明顯我係太耐無玩,加上頭腦笨拙,唔夠十五分鐘,我已經飲左成四杯啦,酒酒樂玩到無晒癮,
叫阿初同我玩,但我仍然輸俾呢個初學者....(檢討中)
我開始醉啦........
之後我利用時間換取空間,扮晒要聽阿初唱0既日文歌,然後等酒氣慢慢緩番,晴雨呢個時候就拿出佢既秘密武器
自釀生果酒 x 2
一開個樽陣味好似白蘭地,小鋒曾嘗試過,佢話味道好甜,不過一啖就會即刻好有醉的感覺,死啦死啦...
酒酒樂會唔會好快就俾呢兩枝野對醉左呢?????????
可惜結果我地每人都要飲一啖個兩枝野,嗯!味道有點酸,我飲左少少,感覺都唔係太強烈,我偷偷望向勇者酒酒0既臉龐,佢都無咩變臉,唉唉唉!睇來我要換人啦,因為我開始好wing,亦都開始好high。
死仔雲見我越來越wing,開始dum 我唱一個甘去為你蹈火海的人呢首歌,好彩我仲清醒,死都唔唱,點知佢條友竟然自己唱(死仔雲係never 唱伊麵的歌,每次我唱佢都會露出卑視的眼神),唉~黃湯落肚,我雙眼又開始矇矓,正當要蓋上眼皮時(想扮冥想緊)點知面前出現一副極之討厭,扮晒含情脈脈咁啤住我0既眼睛。
"小鋒,你暗戀我啊?算啦...我有心上人ka la "
"無野啊~我望下你ja ma ...點解佢地唱呢首歌gei"
"你問觀雲佢地啦,我都想知...cccccccccc甘草仔仔,你都係等俾人出賣啦"酒酒此時搭咀。
我見小鋒好快咁走去打探原因,突然眼前一黑,就咁俾佢地激暈左。
當我醒番個時,阿擋同小鋒就開始圍毆酒酒,後來晴雨更加入戰團,誓要係大話骰之中令酒酒狂輸。
大戰一觸即發...
玩左幾盤,我呢個骰老頭的功力慢慢恢復,酒酒樂慢慢越飲越多,加上風雨同阿擋越戰越勇,有好幾個回合酒酒樂都俾我地夾埋贏左佢。大約六七個回合,酒酒樂開始頂唔順,攤左係沙發度訓教。剩底我同風雨同埋阿擋係度鬥。
不過不認不認終須認,我飲多幾杯之後真係開始兩眼矇矓,酒酒樂見到我個樣已經變晒,係度同我勸降
「甘草~你認輸啦~你認左輸我就放過你,你睇下你...仲唔投降我就一直同你劈,劈到你訓係度為止。」
「酒酒~我點會認輸呢~我唔會咁易認輸,一陣俾你唱我認輸我咪好無面??????」
哼!其實酒酒樂都有幾分醉意,想咁樣就打沉我????我一定要佢付出代價....
不過呢個時候,酒酒點左幾首Beyond 0既歌,大家0既氣氖都好高漲,而我體內酒精都開始蒸發入血管之中,慢慢上腦...死死死~~~~~~~~~我真係覺得醉啦喎。
sunlly 老姐呢個時間打來,咩話???????????由五點幾set 頭set到成十一點幾??????睇來佢個徒弟觀雲同佢仲差好多皮,不過我開始對set 頭有興趣,識我既人都知我係唔會化任何時間去整理自己既頭髮,但求乾淨整齊就算,點解的人可以擺咁多時間去set 頭仲要set 左個飛機頭 gei, sunlly 姐,請回答一下吧!!
之後我已經唔理會眾人0既目光,開始胡言亂語,手舞足蹈,如果唔係最後0既一點理智,我估我會同酒酒隻揪隻。睇住阿擋,徒弟仔,阿初,晴雨同小鋒一個個走晒,我坐左係度同酒酒繼續互劈,阿貓同死仔雲見到我地劈得咁開心,唱左一兩首歌,同我傾左陣計,都走埋啦.....
阿擋打俾我,我見我仲識講野就叫佢幫我搵定人抬我返屋企,我又叫佢記得保証徒弟仔安全回家,如果唔係甘草門絕後點算?!阿擋係我老死,當然佢辦事我放心啦~
好~
我可以好放心咁醉啦...
酒酒樂..........我來啦....
劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈劈....
都唔記得左劈左幾多個回合
依稀記得大家都飲多三四罐左右,突然電話響
"衰仔...你去左邊,成兩點幾都唔返來???????係唔係唔想返????"
"NONONONO.....即返即返即返,剛剛有個朋友飲醉左jei,送佢返屋企咪夜左返law"
我一聽到阿媽把聲,點止成個人醒晒,平時講大話吹水唔抹咀既本領即刻番晒來。
"酒酒,唔好訓啦~我要走啦。"
"咁快????????你仲未叫投降喎!"
"仲唔走我怕下次我無命同你飲啊!"
"叫多四罐,每人自對兩罐啦,定勝負......"
酒酒~唉~你太睇少我阿媽對我既影響力啦........
"走啦~酒酒~去埋單!"
"有無搞錯,你越飲越精gei?????????????????????"
"快的啦~一陣我阿媽斬我啊~~~~~~"
結果......
我同酒酒樂都用一個近乎完美的直線步伐行出K房。
小鋒呢個時候打來,原來佢係想知我地邊個被劈死....可惜我把超精神0既聲音已經話左俾佢知我仲好精神,而酒酒樂係隔來狂食煙,點解????????你估下呢...騎騎
返到屋企,被人五馬分屍後,我執番晒的手手腳腳上床..........
"嘩~咁快又到十二點?????"
完結...
後記...
其實個晚邊個贏唔重要
最重要其實我真係有好濃既醉意
所以事件發生先後次序什至講過的咩都唔係太記得
不過個晚都玩得好開心...最可惜係始終撩唔到初姐講多過三句野而我又掛住劈又無理徒弟仔.....
阿擋俾阿女蝦個時我又無幫手蝦埋一份.....
太多太多遺憾~~~~~~~
希望下次TG番埋來時大家再出來玩得更開心啦^^"
文章定位：
