我地約o左6點o係某某廣場等,但係我一早已經到達現場
視察環境,大家唔駛奇怪,事關呢個本來就係我之前o係別
有天成日做o既事-行必.
到o左5點50分,第一個目標人物出現,佢就係現今別有天
人氣王-小肥甘,又名甘草.冇見成年o既甘草身形明顯結
實o左,但係個頭依然係咁圓,我地傾o左幾句後,甘草發現
佢o既徒弟-赤井鉻之已經到達,我未見過赤井鉻之,轉身
一望,嚇到我連退數十步,原來赤井鉻之竟然係........
一個女仔,幾分鐘後我先平復到驚訝o既心情.
突然,我發現對面街有個靚女,而且仲向我地o既方向行
埋o黎,唔睇由至可,一睇原來竟然係我地o既歌后-初哥哥
(奈良初).
所以話女大十八變呢句說話真係冇錯,初哥哥由當日o既
鄰家女孩feel變成今日o既美少女,當中o既努力並唔係我
地呢d凡夫俗子所能夠明白o既.
我地寒暄o左幾句之後,呀擋都到o左o勒,好一個呀擋,一年
前見佢仲係skin head冇乜頭髮o既,今時今日竟然成頭都
係頭髮(乜有人唔係成頭頭髮o既咩?),我差d唔認得佢.我
一見到呀擋佢第一句就話佢自己病,唔會飲酒,好一個識時
務o既俊傑.我當然高興啦,咁我又少一個對手嘛,哈哈~~
之後我就上去某某卡啦ok問價先,番落去後冇耐就輪到我
地o既歌神-觀雲出場.觀雲好明顯瘦o左,而且滿面倦容,
可以知道佢間學校的確唔係呃飯食o個隻o既.佢一身騎師
look,唔講仲以為佢騎馬o黎tim.
又過o左十分鐘,仲未見到風雨同晴雨,突然電話響,原來佢
兩個小鬼竟然迷路,搭地鐵o黎都唔識睇水牌搵出口,我突
然間好擔心佢地o既將來.我一邊o係電話教佢地點行一邊
開天眼搜索佢地,終於俾我發現有個學生哥o既物體拎住部
電話出現o係我視線之內,我同風雨講我已經見到佢,佢仲
竟然左閃右避好似被追殺想哩埋咁款,我同佢講叫佢唔駛
避喇,我支追擊鎗已經喵準佢佢先乖乖地咁行過o黎.
果然呢一身學生打扮o既就係發呆族攝政王-風雨頌,而o係
佢後面o既當然仲有危險少女-晴雨頌啦,風雨肥o左d,而晴
雨就瘦o左d,兩個都靚仔靚女o左,所以話後生仔o既未來真
係估唔到o架.
晴雨手抱一個紙袋,我隱約見到裡面裝住兩支野,一定係我
夢寐以求晴雨親手釀製o既生果酒o勒,經當事人証實後我
即刻望住甘草奸笑,可惜呢個戇直青年仲未知道自己身陷
險境.god bless him!
因為仲有一位人物要遲d先到o既關係,所以我地就先上卡
啦ok.
入到房之後,呀擋已經急不及待施展歌喉,到呢個時候我
先發現原來呢間竟然係一間hello kitty房,天殺的,好彩
九陰白骨爪-sunlly冇o黎,如果唔係佢實要換場.
跟住我地就立即叫野食,呀擋因為有病冇胃口所以冇叫到,
大家叫完野食之後,我地o既歌后-初哥哥終於開腔,一首
日文歌聽到甘草隻耳都立即好番,果然厲害.
丫,差d唔記得講,赤井銘之原來亦都並非泛泛之輩,佢唱
o既兩首范曉萱作品(自言自語同埋唔記得邊首喇)亦係聽
到甘草耳油都標埋出o黎,情況異常嚇鬼.
好喇,當晚餐o黎o既同時我地最後一位朋友仔-甘草口中
o既巫婆-黓霧小姐都到o勒.我只見到佢入o黎o既時候有
陣黑氣先湧入,等黑氣散o左之後先見到一位身形高挑,穿
著黑衫黑褲o既美少女出現,果然同傳聞中o既巫婆look一
樣,不過係一個靚靚女巫,而且唱歌亦非常了得,同觀雲的
確係天造地設o既一對.
我用九秒九完成個晚餐之後,見到小肥甘仲有兩塊豬扒未
食,呢隻死肥甘,竟然想用拖延時間o黎避戰,我一個憤怒
o既眼神嚇到佢極速食完,跟住當然係好戲上演啦.
骰盅大戰第一回合就如風雨已經寫好一樣係我稍稍領先,
此時此刻甘草開始o黎料,不斷點歌,仲要點埋日文歌要初
哥哥唱俾佢聽,當初哥哥唱完之後大家都可以見到甘草已
經眼紅紅,隻耳不斷標油,相信佢要再去睇睇專科先得.
第二桶啤酒o黎喇,大戰繼續,我同小肥甘再玩o左兩三鋪
之後,實在覺得非常無癮,又見初哥哥冇歌唱o既時候好似
好悶咁,於是叫初哥哥代我玩,佢輸就我飲,點知初哥哥原
來都唔係一名弱者,雖然我聽唔到佢講乜,但係憑我讀唇
o既本領我知道佢開o左甘草兩三鋪,而且係贏o既.
可憐一個甘草,飲到流晒口水仲懵然不知,就o係呢個時
候,小鋒同呀擋都加入戰團喇,呀擋輸o既話小鋒代飲,而
因為多o左兩個人玩o既關係,甘草輸o既比例明顯少o左,
算啦,就當俾佢抖抖氣啦.
另一邊廂,晴雨同赤井銘之亦o係度猜小明,我見到呢個
情境不禁有d唏噓,要知道我呢個年紀已經好耐冇猜過小
明喇.睇到佢地玩得咁開心令我諗番起我o既童年,冇錯,
係童年,大家可以知道晴雨同赤井銘之係幾咁天真爛漫
o既細路女,哈哈~~~~~~~~~
觀雲同黓霧亦o係另一邊密密傾計唱歌,我心諗既然大家
都有野做就得o勒,我可以繼續專心對付甘草喇.
就o係第二桶啤酒就o黎飲完o個陣,甘草兩眼開始有d反
白,雖然我好擔心佢o既狀況,但係佢一日唔肯求饒我又
點會放過佢呢?我叫晴雨出動佢o既秘製生果酒,哇~~~~
呢兩樽野真係唔講得笑,一擰開個蓋o個陣酒精味已經湧
上o黎,聽講有成廿幾度tim.
我地除o左呀初外個個輪住o黎試飲,車厘子味似紅酒,不
過甜o左d,奇異果味就似梅酒,總括o黎講酒精味唔夠,但
係第一次整都已經好好o架喇,晴雨,你繼續努力啦,下次
整多幾隻味都唔怕(又有免費酒飲,哈哈~~~~~).
俾大家試飲完之後o個兩支野已經所餘無幾,每支只係得
番四分一杯左右,我同甘草各輸一鋪.飲完之後又繼續猜
番啤酒.
大約o係十點半左右,呀擋同赤井銘之話要走先,我地亦冇
強人所難,只好唱番首忍著淚說一聲goodbye.
過o左一陣,我電話突然響起,一睇原來係sunlly打o黎,本
來以為佢會o黎啦,點知佢話因為仲未set好個頭所以唔
o黎,大家都大失所望,不過sunlly不愧為德高望重,受到
萬人景仰o既sunlly姐,佢地竟然個個搶住同佢講電話,於
是我個手機就俾佢地輪姦o左成廿幾分鐘o勒.
期間我地見到一幕好感人o既場面,就係sunlly,晴雨姊妹
相認,攪到我地小肥甘頭dup dup,眼濕濕,所以話呢,人間
有情呀,大家記住喇.
又過o左一陣,成晚講野唔多過廿句o既初哥哥亦要走o勒,
我好有紳士風度咁送佢去lift口(查實係因為間房用佢張
咭登記,我要出去同佢拎番張咭),突然走o左兩個駐場歌
手,剩低o既時間唯有靠觀雲同黓霧撐場o勒,佢兩個梗係
不負所望,一首又一首直頭好似開show咁不停表演.
o係呢個時候,我地先記得好似冇影過咩相咁滯,於是就叫
我地別有天水禾田-風雨操刀,幫我地影o左幾張相,可能
係太過用神o既關係,影完相冇耐風雨同晴雨都要走o勒.
(插段後話先,別有天水禾田的確好有個人風格,因為d相
全部黑媽媽,有d仲玩鬆郁矇效果,佢第日一定能夠成為名
攝影師,請鼓掌.)
晴雨同風雨走o左之後,我先開始發覺生果酒o既厲害,我
感覺到d酒精上腦o勒,於是我去廁所洸個面諗住醒醒啦,
殊不知始終都係出o左事.
話說我返到房門外見到5個後生仔o係我地房門外係咁昅
野,我諗可能係黓霧小姐o既歌聲實在太吸引啦,於是我行
埋去好聲好氣同佢地講:"唔該借借,我要入房."點知佢地
當我冇到,咁我呢d咁有修養o既人梗係再好好聲氣咁講多
次啦,麻煩事o黎o勒,佢地當中有一個人即刻回頭怒啤住
我,仲一推推o左我埋牆,攪到我右手手"爭"位登時擦傷流
血,咁都無所謂啦,最離譜o既係佢仲要加句粗口問候我娘
親,唉~~~~~~~我份人冇咩好,最好o既就係仲識得鍚呀媽,
一聽到佢老人家俾人咁樣侮辱我即時火都o黎埋,再加上
晴雨生果酒o既威力,我都唔理當年師父叫我唔好立亂打
交o既勸告,即時駛出降龍十八掌,大巴大巴咁摑到佢地個
個變晒"木"嘴我先收手,之後我仲好語重心長咁同佢地
講:"我地做人處世o既野,唔好下下搬個老母出o黎,大個
仔嘛,有咩事就自己解決."佢地聽到之後個個眼濕濕,我
見佢地都受教咯就放佢地走o勒.
返到入房之後,我當然冇同佢地講番呢件事啦,費事嚇親
佢地,就求其話唔知點解撞o左埋牆整親o羅,黓霧小姐不
愧為女巫,只見佢呼出一口氣,無啦啦就多o左兩塊膠布,
佢仲好細心咁幫我貼tim,觀雲兄真係有福喇.
過o左一陣之後,觀雲同黓霧都要走喇,只剩低我同甘草,
我再叫o左三罐啤酒諗住埋佢單啦,好衰唔衰電話又響,原
來係我大陸o既堂細佬打o黎有野要我幫手,由於成間房已
經俾甘草o既聲線污染(可能佢隻耳未好番啦,所以唱得好
大聲),於是我就出出面講電話,唔覺唔覺竟然講o左成半
粒鐘,期間我見到甘草出o黎搵我,但係講緊正經事所以佢
都好無奈咁返房繼續個人show.
講完電話之後,我發現三罐啤酒仲完好無缺,估唔到大賊
甘草都有d道義(定係佢唔敢再飲就唔知喇),我地邊傾計
邊唱歌邊飲埋o個幾罐酒,到埋單o個陣已經差唔多成一
點.落到樓下我地又傾計,到兩點o個陣甘草先話太夜一
定要走喇,呢個網聚就係咁結束o勒.
後記:最大年紀o既我,識o左呢班後生仔都成年幾兩年,近
年來都冇乜點出過o黎,今次藉甘草返o黎又再聚頭,感覺
都唔錯,而且仲識o左兩個新朋友仔,老套d都要講句,甘草,
多謝你,不過下次你返o黎我真係唔會再手下留情o架喇,
唔好再話我知驚呀媽鬧,哈哈哈~~~~~~~~~~~~~~~~~
文章定位：
