鏡盒 就是喜歡靜靜的聽著......

47愛的鼓勵 0訂閱站台

3月15日

2月21日到25日
企鵝,小玲同我台灣之旅既日子

去完旅行兩個幾星期
都無時間同精力去寫我既遊記
今日我要好好咁,簡而精咁寫
不過係未寫過程之前
等我寫完我對呢個台灣之旅既總結同所見先講啦

先講下我地既行程
第一日:出發>>台灣既台北>>平溪十分
第二日:十分>>九份>>台北既濃美酒店>>西門町
第三日:早上遊台北>>黃昏行淡水>>晚上市林夜市
第四日:早上遊台北>>下午楊明山>>晚上市林夜市
第五日:誠品書店>>三味食堂>>桃園機場>>澳門

成個旅行頭兩日我最鍾意, 可能我去旅行既目的係睇d同平時生活好唔同既野
頭兩日去既地方比較鄉村,比較親近大自然,好有渡假既feel,好悠閒
至於去到台北市, 始終都係大城市, 同埋參觀既地方比較悶, 好多都係到此一遊
影張相就走, 如果下次都台灣,都唔會點哂時候遊台北, 今次係第一次,
點都要行下d好例牌既地方既, 好似人地第一次黎澳門都要去大三巴咁

台灣,我唔係第一次去. 小六既時候去過一次, 不過有好多野都唔同哂LU,
台北可以話係香港,澳門,廣州既混合體, 係101大樓附近似香港,商業味重
市林夜市就等於澳門既義字街, 只不過係長D同多D人
行果度就有如狀元坊, 多人到死,其他地方都好似廣州,
似上下九附近d建築, 起得唔高,不過好密

不過台灣人真係好好, 好熱情友善好客同好鍾意搭訕
特別係當佢地知道你唔係台灣人既時候
佢地例牌問你,係邊度黎呀,玩幾耐呀,住邊呀, 你答左佢
有人聽到會講,下次黎住我度啦, 雖然呢d吹水唔抹嘴既野個個都識講
但係有幾多人會同d三唔識七既人講埋呢d野,至少係香港澳門大陸我都無見過
有關心政治既會問,回歸之後有咩轉變,好唔好呀之類

台灣出名小多, 唔同地方都有d特別小食,
食得最多既係唔同種類既羹同魚蛋
我地幾日見到d特別野就食, 係九份同淡水食得最密
開哂turbo, 行兩步見d野幾特別又食過
不過係台北市你會發現最多既係
食日本菜,食扒同食buffet(台灣叫吃到飽)既餐廳

係台灣5日, 搭得最多既係捷運(地鐵), 好方便
佢無香港咁多條線, 捷運站比香港既大, 個個捷運站都有主題,
唔似香港咁,剩係d牆唔同顏色就算
火車,巴士,的士我地都有搭
我好鐘意佢地既小火車,比較懷舊,不過班次比較疏,
對我地呢d好似有plan實則又無既人就比較難就時間
的士係黃色既, 台灣人叫佢小黃
係台北,巴士站會係馬路中間,同大陸有d地方一樣
佢地有d巴士(去楊明山), 前門落車,後門上車, 落車先比錢
由於佢地有幾間巴士公司, 佢地d巴士號碼同澳門好唔同
我地就係用數字加英文字母:19, 28c,
佢地都有剩數字既,不過有d叫棕10,紅6; 岩岩睇到,都唔知咩黎既
台灣既敬老讓坐既觀念都幾好, 巴士同捷運都有博愛座
係捷運,博愛座無老人,細佬,大肚婆坐, 佢地d人都唔會坐加wo, 怪到死

呢幾日既衣食住行大致講左啦, 係時候講下我既心情啦
興奮,刺激,驚喜,期待,失望等心情樣樣都有, 當然梗係開心啦
興奮唔洗講啦, 未出發先興奮, 話哂第一次自由行wo
刺激, 識我地既人都知,同佢兩個傻既一齊去旅行你話刺唔刺激呀
無走失走散咁返黎已經好好啦, 呢五日,日日有驚喜,天天有笑話
都係多得我地三個傻既走埋一齊先做到加咋

哈哈, 好開心有兩個傻既又有心同我去旅行既去台灣, 去旅行partner好重要
特別係自由行,好彩佢地兩個都係”順得人”, 樣樣都無所謂, 好易得到共識
所以呢個旅程好自在,好輕鬆, 多謝你地呢!!!

好似講左我點解興奮,刺激(以上只屬小部份),未講其他
欲知詳情如何,有侍下回分解