鏡盒 就是喜歡靜靜的聽著......

47愛的鼓勵 0訂閱站台

7月16日 晴

今日6點幾就起身...為咩呢
因為想趕9點半既火車去長城
搞店哂去酒店樓下間m記食早餐
搭左差唔多一個鐘既地鐵趕到去北京北火車站

趕到去差唔多9點..心諗有機有機可以搭到9點半火車
但一踏入火車站售票大堂就心知不妙
好多人排緊隊,重點係賣飛既人無效率
依加始終都係暑假...出外旅行既人超多
有少少感受到d人春運想返鄉下一票難求既心情

排左一陣,fuck!!!又聽到廣播話今日9點半去八達巔既飛賣哂
點解個天要咁耍我地呀......一定係隻豬剋住我...諸事不順

山不轉,路轉
其實去長城有三種方法:有錢就打的;想舒服d又唔係好貴就搭火車同埋搭巴士

我地搭唔到火車就唯有搭巴士
首先要搭地鐵到積水潭站再搭巴士919

頂,北京d人既服務態度真係好有問題
我地一出地鐵站就見到好多部919..但係都唔係我地要搭果部919
919有好多支線...總站都係唔同地方
問d人我地應該搭邊部.....佢地既答案只有兩個字:後面
好啦..我地行到後面果部又唔係...不斷既"後面"
行左幾百米....終於搵到啦....

但係排隊等上車就人又係超多咯


其實搭巴士同火車既時間係差唔多,就係想試下搭火車...可惜呀
上到巴士先知道係有企位,頂..呢種巴士都有企位
搞到我想訓都唔敢訓....


不過搭巴士都幾好既...有導遊
係車上面有講解,佢話依加係旺季
去長地既人一日達到10萬上以上
又會介紹沿途既景點...可惜比企係度既人遮住哂
落車仲帶埋我地買飛又帶我地去到入口

我地買左滑行車既來回飛連長城入場費都係100蚊
梗係豪比佢啦...唔洗行得咁辛苦
今日個太陽勁哂呀





黎北京點都係要行下長城既




搭滑行車一上就上到第4個風火台
我行到第6個就停啦....好漢都做過2次啦..今次都係陪人黎
行下就算啦...又熱又哂...
豬太朗都係行多我一個就無行啦

搭返滑行車落去,係長城腳食左碗牛肉麵就返黎啦
本來想去返故宮..可惜塞車又打亂左我地既行程
最後又坐地鐵去返鐘鼓樓附近行胡同
尋日坐係三輪車上面影唔到影
今日就比豬太朗影返夠

之後去左後海
後海係個夜夜笙歌既地方...酒吧超多...可惜去到既時間仲早....未能好好感受
行左一陣就收到米蘭既電話
阿飛,芳仔同陳言順都黎到北京啦
叫我地去搵佢地
yeah!!!好期待同佢地既見面呀