鏡盒 就是喜歡靜靜的聽著......

47愛的鼓勵 0訂閱站台

3月17日

由於近期返新工同星期六日都有節目既關係
令到我無咩時間去寫我既遊記同近況

寫下近況
身體: 上兩個星期驗過血, 報告指出我既血沉降依加係23,之前高峰期係72(正常係20), 仲有少少,我就好返啦, 不過醫生話就算好返,都唔可以一下子停哂d藥,
如果唔係,好易會復發.
血沉降係咩呢,我唔清楚,我剩係知要食幾多藥就係睇佢,同埋血沉降高過20的話,即係表示身體裡面有炎症,要好好咁去check下啦

工作: 返左三個星期,開始習慣同熟應呢度既人同工作模式,大概知道自己要做d咩,每日都要睇幾十個mail, 係一個好煩又鈍既system入面打data, 要send幾個mail又或者同時要對幾份野先覆到人一個mail, 要好自動自覺同細心記得去追supplier,去追booking,去追document等等,總之我既工作就係去追人野,等人覆,
遲d上手的話,我會負責Singapore同Malaysia 既shipment. 如果自己可以應付的話,成功感都應該幾大.

工作環境: 梗係同之前好大分別啦, 之前係個site入面,又遠又唔方便, 依加就近好多,放工仲可以行返屋企, 不過依加係17樓,要搭lift ,等lift既時間可能等到遲到,除左要等lift之外,呢度真係幾好
以前成間公司都係男人,依加就相反, 成間公司都係d女人,仲係d好鐘意吹水既女人, 佢地又唔係講人是非加wo, 佢地咩都講,仲要講到成公司都聽到, 我地d阿head全部都係女人,佢地都好好人加, 無咩階級觀念,仲會同你一齊睇雜誌同講新聞添(係office hour), 班女人好鍾意叫外賣係conference room一齊食,仲要係邊講邊食,日日都係吹水吹到差唔多兩點先出黎開始做野(應該1:30),我覺得安樂已經好free,點知唔係,真係一山還有一山高.

公司趣事: 話說返工一個星期多d, 公司女厠既key唔見哂,佢地又搵唔到,決定輯兇, 因為公司大門附近有監視器, 一方面防盜,一方面係比我地睇下有邊個搵我地,個監視器岩岩好係影到邊個令過條key,佢地竟然倒帶,睇返前幾日既野,為左一條key,佢地足足搞左大半個鐘, 真兇係坐我隔離個阿姐,不過都好既,起碼有個警惕作用

其實我好想寫遊記同upload d 相係個blog度,但個屋企部腦壞左
公司個system成日有問題,今日都唔例外,我先有時間寫blog咋
我驚我再唔寫會唔記得呀, help me!!!