＋＊２０２０＊＋＠＊～Ｅｔｈａｎ’Ｓ　Ｌｉｆｅ～＊

2021-01-06 18:45:16| 人氣251| 回應0 | 上一篇 | 下一篇

2020呢一年的確唔係容易過，事因好多不快都係呢年內發生呀～！！

繼上一年社運之後就到今年疫情，全年根本都係一個口罩年啦~！！

今年年初完左司欣生日之後，就開始進入一個唔完整既農曆新年～！！

事因好多人都未見得到就已經再爆發新疫情，所以又係搞到冇得見~！！

全年o黎講見到o既朋友真係唔多啦，始終都係因為疫情問題唔敢約~？！

所以本年度好多計劃都好難如期進行，至於選行就更加唔駛諗可以成行~？！

至於圍內部份核心單位都會盡量聚聚，但都係唔及之前可以定期咁見下啦~？！

本身就諗住上半年未能實行o既計劃，盡量先安排左擺去下半年睇下點先~？！

無奈最後全年多項計劃都做唔到啦，就連約出去食飯都需要再三考慮呀～！！

生日飯局方面就係歷年o黎最差o既一次，因為又係再次受到疫情影響而取消～！！

基本上呢一年見朋友都係上去朋友屋企，否則根本就唔會有地方可以聚會~？！

至於下半年時間，都只係同司欣及Phoebe佢地去左一次staycation叫做出過去～？！

畢竟好多時間都已經唔可以出街喇，所以大家都有搵機會睇下點樣聚一下啦~？！

當然我地都曾經試過搞左一次網上party啦，叫做換個方式俾大家可以見一見～！！

而紫熒亦於下半年尾時間生左小朋友，隨住小朋友出世家族亦新增一個新成員~！！

大時大節平時我地都會同朋友一聚，但無奈今年連聖誕節及除夕都唔可以慶祝～！！

睇返呢一年o既整體時間都真係可以話好苦悶呀，基本上除左工作就係解決問題嚕～！！

我要檢舉

台長：Ｅｔｈａｎ～

人氣(251) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台