＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日再一次同Phoebe及Jacky出去，而且仲要係大長征去探班呀～！！
事因我地幾個又一齊入去大嶼山搵司欣嘛，雖然佢今日就仲係返緊工～！！

我地約左5:30pm一齊出發，而我事前就去幫Phoebe買左少少野先～！！
及後我就過去友愛到會合佢地，至於今次行程當中仲有一個特別經歷呀～！！
由於青馬大橋發生左交通意外大塞車，所以我地部車就改行左下層入去嚕～！！

至於事前我地幾個就夾好左做場戲，因為我地都想睇下司欣有咩反應嘛～？！
目的就係想呃佢話BB冇o黎到，然後就睇下佢即時個反應到底會係點囉～？！

原先我地只係計劃會入去食飯，不過最終去唔去得成就仲要睇下Phoebe啦～？！
如果佢地今日因為要照顧老爺就未必行得開，所以都係好後段先落實話去～！！

至於我地買份禮物就係想透過BB送俾司欣，事因佢一直都真係好錫BB嘛～！！
所以Phoebe就話想趁今次送返少少野俾佢，而且我地大長征都係因為咁啦～？！

去到主打都係食下野同影下相，至於我地今次都有談及年底一齊去台灣玩～？！
同時又有講及返世俊個女出左世一事，同埋Phoebe就問及我地關於送禮一事～？！
事因我地圍內一直都冇人主動提出過要做ｄ咩，所以大家一直都冇任何行動～？！
不過呢ｄ都係同佢自己一直個表現有關連，至於Phoebe就提議左一齊夾禮～！？

至於我地完左o係大嶼山個晚飯之後，今次我地仲等埋司欣收工先一齊走～！！
最後仲一齊返埋o黎屯門到食宵夜同吹水，今轉就反而變為講下生活同工作～！！

畢竟宜家大家份工都非常之忙碌，所以一齊北上玩下呢樣野遲遲都未落實～？！
由於大家之前都曾經有過共識想做呢個計劃，所以今晚聚埋都有再講過下嚕～？！

關於身邊其他人o既事宜當然亦有帶過下，不過呢ｄ舊人要回歸就唔知點喇～？！
始終圈內有我地自己o既玩法，至於部份一直被受批評o既人就真係有ｄ難搞囉～！？
如果佢地同大家真係唔o岩玩，就算有活動想叫埋佢地出席都係一件尷尬事～！！