＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今個月最後一場慶生飯局，就係排左期今晚同屈妹出去尖沙咀食飯呀～！！
不過今日天氣真係非常之差，中間仲要曾經掛過紅色暴雨警告囉～！！
幸好準備出發之前就已經取消左，但我地計劃去玩o既部份就要取消～！！

至於今日仲有我同埋子瑜及阿榮一齊出去，而Angela就因有要事未能到場～？！
呢個組合其實都唔算係好常出現，但係有子瑜同場就一定有唔少笑料啦～！！
原先就打算約埋o係車站會合左先，不過子瑜差ｄ搭錯車所以改約左去餐廳等～！！

圍埋咪先講下大家最近工作上問題，而生活上各樣問題大家都有拎出o黎傾下～！？
當然近日一ｄ大熱o既娛樂話題都有探討，事因我地都想睇下男女觀點同感受嚕～？！
至於關於家族上各大問題方面，我地今次都有繼續去圍住某ｄ方向去傾過下囉～？！

有關於世俊個女出世一事，大家依然係用基本禮貌同埋方法去處理左就算數嚕～？！
事因我地大家仲係對佢老婆觀感唔好，加上世俊自己本身表現亦都唔太理想～！！
另外談及到正方婚禮一事方面，我地就已經開始傾緊屆時會有ｄ咩需要去做啦～？！

講完家族上部份人事問題之後，我地就轉為談及一下未來日子搞活動個方向喇～？！
事因呢部份雖然家族上已經就住部份議案有共識，但夾期方面的確係一個難題呀～？！
今次仲講緊一齊北上去玩下同埋camping 2計劃，因為呢兩個方案至今仍未落實～？！

我反而覺得大家唔係冇心去做安排，只係宜家個個生活同堆做野都有自己難處～？！
變左想就到大家齊人夾返一次去玩都好難，現階段期望部份計劃可以盡快成事啦～！！
最後關於感情線問題都有輕輕傾下笑下，不過宜家大家都依然係處於搵緊個階段嚕～！！