＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日終於都到左本月最後一場聚會，而是次就係見阿Ming同阿沈呀～！！
其實每一次同佢地見面都係好開心，不過今轉就冇左兩個男主角嚕～！！

今次約左去長沙灣到食野見面啦，而圍埋主打都係先講講工作同生活～！！
而佢地兩位都有談及關於佢地同男朋友相處o既事宜，總之就好好笑啦～！！
同時佢地亦有問及我感情事宜問題，不過照我睇o黎就似唔會再有下文喇～！！

始終兩個人相處都係講自然同舒服，雖然我都已經曾經努力去嘗試過呀～？！
不過對方似乎就唔想去有咩大改變啦，所以我都決定唔好再浪費時間～！！
即使做一個普通朋友都需要有威好溝通啦，但佢社交上就似乎有少少問題～！？

談及完晒關於感情事宜問題之後，我地就轉為講下旅行玩o既開心事啦～！！
畢竟佢地之前都先後去完玩返o黎，同時間我地都講緊計劃下齊出去旅行～？！

而重點話題方面就梗係擺最後時段，事因宜家阿Ming已經搞緊佢地個婚禮～！！
但由於阿Kris最近就因為轉左新工仲忙左，所以好多野都仲係商討階段呀～！！

我同阿沈都明白阿Ming諗緊咩啦，而且佢又係比較容易緊張同多野擔心～！？
先後傾左唔少關於佢地婚禮o既事宜，再者我同阿沈又會幫佢地一齊去搞呢～？！
現階段我地主要就係傾好晒大方向先，至於其他野稍後就會著手慢慢處理～！！