＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

剛剛開始新一年時間，當然都不忘會同唔同朋友聚一聚啦～！！
而今晚原本就打算幫阿Wing慶生，奈何佢本身自己都缺席啦～！！

至於今晚就約左出去旺角都晚飯，本身係打算俾大家新年首度見下～？！
最終就只有我、阿Ming同埋阿沈三個。同時阿沈今次又派手信嚕～！！

事因佢早前又去左台灣旅行，所以佢今次又帶左少少野返o黎俾我地～！！
同時趁住我地今次會面就已經講緊下月活動，因為下轉堅想搞下唱Ｋ喎～！？
至於目的都係為左滿足一下阿Wing之前個要求，所以稍後就有呢個方向～！！

雖則今晚都唔係齊人嚕，畢竟仲有兩位都因有事而缺席今晚個聚會啦～！！
不過我地今次會面就談及左唔少野，其中都有講到關於阿Wing個問題嚕～？！
其實我地圍內幾個都覺得佢古怪，只係我地宜家先正式拎出o黎探討一下～！！

因為佢已經連續幾次冇出現過聚會，加上佢又完全唔覆我地任何訊息呢～！？
而阿沈同阿Ming早前原來都有傾過呢樣野，而大家又擔心佢係咪有事～？！
事因連佢地兩個同當事人識左咁耐，都唔係好了解呢個朋友個內心世界～？！

除左講到關於阿Wing之外，我地都有一齊講下外遊去玩同埋工作問題～！！
其實大家主要都係想分享一下近況，當然唔少得都會講下感情線問題啦～？！

真係唔講唔知。。。原來佢地三個，都係曾經對我有意思想拍拖囉～？！
無奈好多野就係時間同其他因素問題，而我地關係只可停留o係朋友階段～！！