＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

雖則海外版生日就未能成事，不過今次主角就有另一種特別待遇喎～！？
事因每年度裡面都有唔少生日飯局會搞，而佢今年就已經搞左兩個喇～！！

早前趁住Phoebe影畢業相當日已經搞左一轉，而今晚就係加場慶祝～！！
而今晚就只係得返Phoebe，我同埋司欣，當然就仲有龍媽同埋龍爸啦～！！
因為今晚我地去Phoebe景峰老家食飯，而是次飯局就由龍媽做主理～！！

我地約左7:30PM去到會合，首先都係大家圍埋講下最近開心事啦～！！
畢竟今年都希望大家有更加共同回憶，所以Phoebe就決定幫佢加場～！？
雖然本年度第一個慶生環節就已經完成，但之後都仲有其他野會搞囉～？！
下次會面就已經係屈妹婚禮，而且早前話可能會缺席o既Phoebe都會去～！！

唔經唔覺我地呢個組合都已經識左十八年，所以大家都好珍惜呢份友誼～！！
加上上年又一齊去左兩次旅行添，無疑係會令到大家關係走向較好方向嚕～！？
至於今年大家都仍然希望可以一同外遊，但最終都仲要視乎返時間先落實～！！

一齊回憶返由初初認識到宜家，原來我地都一齊經歷左好多大小事情呀～！！
今晚除左我地三個齊齊聚下之外，當然龍媽同龍爸見到我地都係好開心啦～！！
同佢地一齊傾下計講下笑，又一齊去回憶返當初o既大家都的確係件快樂事～！！