＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日係月尾最後一場飯局，而呢兩個朋友都已經一段時間冇聚～？！
其實係因為佢地屋企早前有事發生左，加上我地返工時間又比較難夾～？！

自從上次去camp玩過之後，就要o黎到今日先可以再約埋一齊見下～！！
原本今晚Phoebe都會加入，無奈因為佢病左所以咪要缺席今日飯局嚕～！！

而我同屈姐同埋阿妹就約左6:30pm去市中心會合，之後先再諗食咩啦～？！
起初阿妹都已經諗好左一兩個提議，所以我地最終都有採納到其中一個～！！

至於o係阿妹未到之前，我同屈姐就o係市中心到睇下書同埋衫褲先啦～？！
及後等佢到埋之後就轉為阿妹同我一齊去買野，而屈姐就去左拎位先嚕～！！

今轉圍埋主打先講下自己近日生活，畢竟大家都已經忙左一段時間嘛～！！
可能最近大家生活都係比較唔順利，我地先會更想有圍埋再聚o既念頭～？！
其實近年都已經冇咩真係可以圍埋玩o既機會，做到o既都只係簡單飯局～！！

而我地除左談及到生活事之外，當然都有提到身邊唔同人o既近期事宜啦～！！
至於我自己早前發生o既事亦有同阿妹講到，講下笑下好快咁又一晚喇～！！

另外．．．
阿妹今晚終於都記得帶返我份生日禮物o黎，同時我又有同佢兩個請教左Ｄ野～？！
事因我稍後時間想整一份禮物啦，所以我就想請佢地兩位幫我手一齊去搞呀～！！