＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

早於半年前已經收到Tracy通知，佢將於本年底時間再度拉埋天窗啦～！！
而今晚我正正就係去出席佢o既婚宴，而無奈o既係今明兩日都係要返工～！！

收工之後先去友愛會合埋Phoebe，及後我地先再一齊搭車出去目的地～！！
今轉我地就係出去荔枝角到飲宴啦，剛巧我放工後又係差唔唔多時間要起行～！！
合埋之後咪先講下今晚打算，事關呢次決定去唔去都搞左一大輪先有定案～？！

原先計劃就係食一陣之後就走，然後就返o黎屯門會合埋Jacky再一齊食野～？！
點知佢返左屋企之後就唔願再落街，所以Phoebe就決定再食耐Ｄ先離場嚕～！！
最終我地都係冇食晒全部野就已經離開，事關我地兩個明天都要早起返工～！！

至於今晚同場o既就仲有Raymond，而令我地最意外o既竟然再冇其他識o既人～？！
起初我地都以為芷君同詩嘉都應該會出現，點知佢地兩個都竟然雙雙失場喎～？！
識o既人加埋自己都係得三個，所以我地都係自己圍內傾計同影下相咁就算喇～！！

而我今晚唯一覺得好彩o既事，就係我o係抽獎環節到抽中左$200現金獎啦～！！
我地三個全晚其實都唔係好投入個氣氛呀，或者係因為識得o既人實在太少啦～？！