＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

話咁快就已經過左半年時間兼就到自己生日，所以尋晚表哥就打o黎話約我今日一齊去唱K喎～？！
上年今日o既我地仲係一齊o係日本玩緊，至於今年就一齊約埋去灣仔到唱返個Happy Hour啦～！！

約左今日1:30pm去到灣仔CEO Neway會合，及後就連阿嫂個細佬都一同參與是次唱K活動呀～！！
呢個四人組合雖然都已經唔係第一次啦，不過次次最唱得兼會唱得最多歌o既人都係表哥囉～！！

大家圍埋主要都係唱下歌同埋吹下水先啦，及後我地咪開始傾下原定於下半年個旅行計劃囉～！？
雖然佢地幾個早前先飛左一轉去澳洲到玩兼參與婚宴，但下半年旅行計劃就先會有我份嘛～！！

今年度計劃左年底會去韓國一轉玩下，至於主因都係因為我未去過但佢地兩公婆又熟路啦～！！
而o係我地講到去旅行一事方面，表哥其實對日本仍然仲係好有興趣兼想計劃再去一次呀～！！

是次唱K活動去到4:30pm就完左，及後我地幾個就去銅鑼灣到行左一陣街兼睇下野先啦～！！
之後我就同埋表哥、表嫂一齊返佢地屋企，因為今晚o既晚飯將會係去佢地屋企到食嘛～！！

而今晚晚飯時間反而變成回憶過去，事因我地談及返當年兒時做過o既事同埋經歷呀～！！
唔經唔覺咁就已經三十年，但原來我地兩個一齊經歷左o既事都真係有唔少兼幾好笑嚕～！！