＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日係我地其中一個朋友擺婚宴o既大日子，但係我地就竟然集體缺席兼另開活動啦～！！
其實今次Private擺酒已經引發唔少問題，所以最終就搞到我地一致決定今晚唱K當慶祝～！！

由於早前我病左近兩個星期，所以今個活動都係我康復之後首個比較大型o既聚會啦～！！
至於今晚出席名單早前已經夾好晒，無奈只係因為阿大是日家中有要事而未能出席啦～？！

至於今轉原班人馬當中就有我、Jacky、Phoebe、司欣、Eddie、子瑜同埋世俊啦～！！
而其他以往都會叫埋o既掛牌就因為其他問題，而早前被我地傾詔之後決定暫時抽起嚕～！！

今晚約左7:00pm去到元朗CEO到唱啦，首段時間主要都係先講下近期ｄ八卦野啦～！！
同時我地大家都關心一下世俊先啦，事因佢近兩日同佢女朋友大吵而搞到影響左心情啦～！！

不過今晚佢o既表現就真係算唔錯，除左今次個活動係由佢負責之外兼埋全晚表現都幾好～！！
至於幾位一向唱得之人就竟然出左少少問題，唔知點解今晚子瑜同司欣都先後失左水準～！？

至於Eddie今晚唱左幾首歌之中，其中有兩首都令地我地大叫同埋感受到佢o既心聲呀～？！
而佢o係呢兩首歌上面o既表現亦都係非常之好，加上兩隻歌就好似係唱俾司欣聽咁呢～？！

至於Phoebe同Jacky就一如以往只係參與，不過佢地都好投入同埋有跟下唱返幾句啦～！！
講到全晚最好笑好玩o既部份就係唱返八九十年代懷舊歌，呢部份大家都笑過不停呀～！！

正正就係因為今晚好準時cut歌o既關係，所以埋尾大家都覺得呢次真係玩得唔夠喉囉～？！
所以臨走o既時候就夾定下次一於玩懷舊金曲夜，而且子瑜又想提議玩活動主題添呀～？！
平時我地出去食野或者玩坐姨丈車就坐得多啦，今晚散場後坐姐夫車返屯門都係第一次～！！