一連四場o既容祖兒演唱會o黎到最後一晚，至於今晚陪我去睇o既終於都到『愛人』喇～！！
已經有一個半月時間冇點講野同會面，今日o既我最重要係想留返一個完美印象去完呢年～！！
畢竟佢都已經復出左有八個月時間，而今次亦係我地本年度最後一次見面同埋傾計喇～！！
其實早前係打算約去粉嶺會合左之後先再出去，不過今日佢要返工就改為下午紅磡會合啦～！！
一心諗住佢長週完後收工係搭118返過o黎，點知佢最終係去左筲萁灣午飯而搭左102囉～！！
談及到118於早前已經正式改路後，佢都認同路程的確比起以前所要用o既時間短左呀～！！
大約3:30pm左右就o係紅隧車站會合，及後當然就係行返過去尖沙咀o個邊行下先啦～！！
我地最先去左The One諗住搵個地方坐低吹下水，最終都因為呢到太爆而轉左去新港中心～！！
至於o係行過去尖沙咀o既途中，佢就問及我今晚個show有冇一堆佢熟悉o既歌曲先啦～？！
及後佢就問到我早前已經先後睇左幾場，到底個rundown同埋感覺係咪每晚都會唔同囉～？！
當然我都有住每次o既感受同佢分享下啦，而且我仲同佢講到呢次演唱會有好多人問我拎飛～？！
隨後我就問佢諗住今晚會識得幾多隻歌呢，同時又話如果佢可以完全識晒我就跟佢姓啦～！！
估唔到佢突然話佢如無意外應該會識晒喎，而且佢仲叫我準備好明而去拎過張新身份證嚕～！！
我就同佢講到早前同我一齊去睇o既人，佢地咁多人之中都冇一個人可以過到一半係識呀～！！
同時今日佢又問及我阿仔o既近況啦，而佢今轉竟然三番四次話阿仔絕對係值得我對佢最好～？！
因為阿仔係眾人之中對我係最有心o既一個，當然佢呢個論點亦係我絕對認同o既一個要點～！！
無奈因為我角色上係佢老豆o既關係，所以我除左要對佢好之外仲需要對佢有要求及訓練～！！
另一方面．．．
佢今轉又問及我同我Ex仲有冇聯絡，之後又問到我同Phoebe佢地近日o既情況同問題啦～？！
至於講到拍拖呢個話題方面，今次突然收到一個幾爆o既消息就係同Marcus及Ling姐有關～！！
佢今次亦有同我交代到佢於下星期將會離港，事因佢需聯同佢地兩位一同去台灣三日兩夜～！！
而且佢仲叫我今次無論點都要支持佢去旅行，因為佢今次隨同出發o既目的係要做媒人喎～！！
加上o係我地傾到呢個話題之時，佢仲問及我有冇ｄ咩好計可以俾佢助佢能夠完成任務嚕～！？
我第一時間聽到佢去旅行，就梗係問佢拎手信兼叫佢記得影返幾張相返o黎交功課俾我啦～！！
點知佢一講到交相問題就好似平時咁Say No啦，但佢同時又竟然宜家先醒起可以帶埋我去～？！
畢竟我地四個人都叫做係識得先，而且如果由我陪佢詔埋去就更加可以配合到佢行動嘛～！！
另外，我地今日o係眾多o既話題上面都有談及到佢於2013年有咩問題同下年o既計劃啦～？！
簡單咁同佢回望左2013年部份時間，我問及佢到底覺得佢自己o係呢一年之中過成點啦～？！
而佢就回應我覺得自己好平淡同懶散，同時佢亦都覺得自己近月o既情緒控制係比較差囉～？！
我地就住有關話題特意去再傾一傾，再次提出三年前我所認識o既佢係一個有前景o既人～！！
但去到今年我就完全見唔到佢有任何優勢，無疑佢咁o既表現係幾令到我失望同埋擔憂囉～！！
再者我亦一再勸喻佢要好好珍惜時間同機會，而且佢應該好好利用自己優點去幫助身邊人～！！
佢o既最大優點就係充滿正能量，所以佢可以好好運用呢個優點去為重視o既人製造快樂～！！
另一方面．．．
關於佢早前因為工作上o既問題，亦o係佢公司到發左佢老細一次脾氣兼打算自己做唔耐～！！
所以佢今次都有提到佢於早前已經去左見康文署經理一職，但現階段就係要等下消息先啦～！！
呢部份傾到咁上下時間之後，我地就起程行返過去紅磡準備食返個晚飯兼入場睇show啦～！！
至於o係路程之中少不免會玩下食腦同講下條件啦，畢竟明年將至玩法又可以會唔同嘛～？！
而呢部份時間佢就自動話佢稍後去台灣時，離港前及返港後都會send個msg同我交代聲～！！
畢竟佢上次去韓國時又係有同一要求開出，但佢最終就用掛住追車呢個理由而冇做到～？！
所以佢今轉如果又再一次重覆犯錯o既話，佢到時就需要交返三張外景相俾我作懲罰呀～！！
而o係講到工作呢個部份o既時間，同時佢都有同我講到收入及支出等多個連帶性問題啦～！！
佢話佢最近收入就冇多到，但家用已經申請左加價至佢人工o既一半及有其他開支喎～！！
而且佢近日先買左部Ipad Air俾佢阿媽，加上佢又動用埋佢o既儲備去供花都間屋呀～！！
三番四次講到為左買野兼供樓而冇錢o既佢，忽視又講到好多野做完之後都確係好無奈～！！
但佢又話有ｄ野做左並唔係睇個價錢而為價值，突然我又覺得佢其實都幾知道自己做緊乜～！！
宜家o既佢都真係可以話窮到不了得，慶幸佢花都間屋終於都o係早前正式供甩左喇～！！
關於佢現階段淨返o既儲備就只係得返五千，所以佢要開始諗縮數去維持至下個月呀～！！
而我就同佢講話雖然佢眼前生活可能真係比較難捱，但佢已經係快人一步，理想達到喇～！！
好多人都希望自己可以有自己物業而努力緊，但佢現階段就已經有兩層物業o係手嚕～！！
至於今轉傾到o既新一年計劃方面，當然就係繼續同佢傾一傾夾期方面o既問題先啦～！！
再者亦都有同叫佢注意一下對住我o既態度問題，事因今年為左呢個問題都嘈過好幾次～！？
但有關於明年度各個o既活動計劃事宜，佢就暫時未有一個方案可以肯定落實到俾我囉～！！
其實我地為左有關問題亦曾商量過好多次，不過我今次就話明部份計劃需於明年度落實～？！
而佢就突然間話佢都覺得自己應該為我做返ｄ野，可惜佢現階段都仲要考慮下自己做到ｄ乜～？！
畢竟佢以『愛人』呢個身份都已經存在左三年，所以佢有返少少表現其實都係應該啦～？！
加上我亦都交代左明年度會再有特別位被Cut走，所以佢呢個身份都真係好難得o架喇～！！
另外今日o係回顧佢本年度部份生活之時，我地亦曾記得從前我地開始相識及相熟o既階段～！！
而佢亦都聲明如果唔係遇到我o既出現，佢都覺得自己應該唔會的起心肝走去戒煙同反思自己～！！
畢竟佢一向好多壞習慣都冇咩人同佢講過，而且佢又話佢真係覺得我好煩而頂唔順咪乾脆做囉～！！
再者佢都講到我個人係比較感性，因為我早前睇On Call 2都可以睇到跟住一齊喊左三晚～！！
或者就係因為我有呢種性格所以先改變到佢，而佢亦都心明我所做o既野完全都係為佢好嚕～！！
而o係講到戒煙一事方面，佢就問及到部份前同事係仲有食煙兼又叫我出手勸導下佢地戒喎～！！
其他人係咪最終做到已經唔關我事，但作為同事o既我就已經出左聲同佢講要改走呢ｄ習慣～！！
而仍就話我當年對住佢都係用到威迫加埋利誘，所以最終先至令到佢為免再俾人煩而去改～！！
其實近幾次o既會面都有聽到佢話有去跑步，但因近日天氣太凍o既關係所以就暫停左一排～！！
所以今次我都有就住佢越o黎越肥一事笑下佢，不過我就覺得佢就算唔減都應該賣可愛囉～！！
雖則我地都知道現階段應該係佢最肥o既時間，但我除左笑佢之外當然都有讚賞下佢得意啦～！！
至於o係我地一齊睇演唱會期間，佢同Phoebe一樣都係對講媽咪o個部份o既感受係最大囉～！！
而情歌部份方面〝心淡、〝16號愛人〞及〝痛愛〞就竟然出齊，所以佢對住我只好苦笑囉～！！
因為佢都心知呢三隻歌o係我地之間有咩意義，而佢想要o既On Call主題曲今場又係冇唱呀～！！
話咁快我一連四場演唱會就已經o黎到尾聲，至於佢今次亦都認同Joey確實係實力之人囉～！！
而今日o係講開還相呢部份，佢雖則係極度唔喜歡影但都已經答應我於我結婚之日會陪我影呀～！！
但佢同時就話兄弟團呢ｄ事宜就唔好預佢，但佢屆時就一定會到場兼會俾一份大禮我咁話喎～！！
至於原定於本年度o既上佢花都間屋一轉o既計劃，隨住佢有親友返港後入住左而要延遲喇～！！
本年度話咁快就已經步入尾聲，而我地今年除左得到左部份共識之餘仲一齊經歷左好多野啦～！！
文章定位：
