＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

我地呢個三人行組合都已經暫停左一排，不過今晚終於都可以再一次聚埋一齊喇～！！
事因今晚我地會一齊去睇Joey個演唱會，唯一無奈o既係我地三個都係放工先趕出去～！！

幸好我就有William車我出去九龍，至於佢地兩人個就o係西鐵站會合左先過o黎搵我～！！
由於我比佢地兩個都早到紅磡站，所以就問定佢地稍後時間想食定乜就入場睇show啦～！！

隨後我地都係揀左食M記就算，畢竟呢個方法係最平同埋最快手可以解決到問題嘛～！！
而趁呢段時間我就先爆下掛牌家族o既近況，特別係詩嘉早前已經簽左紙結婚一事啦～！！
或者係因為近年大家都各自忙自己生活，所以搞到大家o既關係都越o黎越疏離咁啦～！！

之後我地就轉為講下自己o既近況喇，因為Phoebee早前因為身體問題而病左一大輪啦～！！
所以佢先後都已經缺席左數個活動，但係今晚聽到佢講話佢本人至係都仍然未完全好返晒～？！
至於我地呢個三人行組合當然離不開有笑話，因為Jacky專長就係玩腦筋急轉彎丫嘛～！！

而今次首次去紅館睇演唱會o既Phoebe就覺得好開心，畢竟佢都叫做圓左個心願喇～！！
而一向都唔覺得好活躍於呢類活動o既佢，今晚竟然比我預計中仲要投入同埋話覺得正喎～！！

全晚好多歌對我而言當然好熟啦，而最令佢有感覺o既部份就可以肯定係講媽媽o既部份～！！
縱然我係一個一向好傾向於聽情歌o既人，我今次都俾呢部份所吸引同埋覺得有感覺呀～！！

去到最後埋尾時間，佢就同我講到佢最近收到屯門醫院打俾佢叫佢去見人事部一職啦～！！
雖然最後佢都選擇左放棄呢個機會，原因係佢都好知道自己到底想過o既係咩生活嘛～？！