Phoebe一連兩晚o既慶生活動o黎到第二晚，至於今晚就將會係有切蛋糕環節～！！
經過尋晚同十個人一齊歡聚完之後，今晚個感覺同氣氛反而就變得平淡左～！！
今年亦係主角首年開兩場慶生日，所以呢次對佢而言都係幾難忘o既一年呀～！！
今晚晚飯之後就各自上去佢友愛屋企，因為今晚先係主角o既正日生日嘛～！！
早前已經收到通知今晚會有蛋糕，所以我地就特別揀多左一晚去進行啦～！！
至於今轉就係以簡單形式進行，所以是晚就只有主角兩公婆，我、世俊及阿仔～！！
由於家姐及姐夫因工作在身而未能出席，所以我地就只好五個玩返次啦～！！
今次呢個蛋糕對主角而言係別具意義，事因呢個蛋糕係姨丈去上堂學整o架～！！
雖然佢地呢次上堂阿姨都有去，但聽返o黎主力負責去整o既人始終係姨丈呀～！！
我相信主角今年o既生日真係覺得幾感動同開心，畢竟佢另一半對佢咁有心喎～？！
蛋糕o既味道雖然唔似街買o既感覺，但我就反而食得出有一份心意o係到呀～！！
其實姨丈今次呢個傑作絕對唔差，因為除左食得之外兼且仲有唔錯o既個賣相～！！
今次五個圍埋就冇尋晚咁癲，而今晚主力就變左講下近況同埋下半年計劃～！！
由於阿仔今日好多野要做o既關係，所以佢最終係要搞到遲大到先到場啦～！！
再者加埋佢今日有好多低級錯誤發生，所以佢都差ｄ就俾我向佢開火呀～！！
雖則最後因為個別原因我冇發火，不過阿仔都應該知道自己出左事o架喇～！！
而聽日就係佢同我今個月o既meeting，所以趁住今晚見面就約好埋聽日o既野～！！
至於今個月所發生o既一切事宜，我將會於聽日meeting時同佢完全講一次～！！
青春頌
若然現時士氣高昂 即管放肆任性
當你感到無力軟弱 切記不怪宿命
若然做人未算聰明 更要賣力亡命
還未要負責之際 切記盡興
誰亦會隨年變老 方懂得童年多好
等不到來年變老 才懷念 那種悠然腳步
來吧趁毫無控訴 快釋穿沿途的污糟
這段少年時間 既然昂貴 大好青春要盡耗
記住要共最美的人分享每個夜晚
別忘掉原是靠堅持醫好每個傷患
既是有力挺起胸膛即管好好作反
無懼雨水沾濕兩眼
無用聽誰來勸告 一街的人言滔滔
不需坐下來計數 前行吧 你想做 全意做
如沒有無窮氣數 也可跟神明賭一鋪
這段少年時間 有誰無悔 大好青春要消耗
記住要共最美的人分享每個夜晚
別忘掉原是靠堅持醫好每個傷患
記住趁尚有些本錢簽多一些帳單
如若你還淘氣 你還強壯 盡管出走別折返
無需定立時限 如風一般往返
人未老 還未晚 還未到盡頭記住來放心荒旦
若生命是無限 何必自定界限
大好青春就要多貪
記住要共最美的人分享每個夜晚
別忘掉原是靠堅持醫好每個傷患
記住趁尚有些本錢簽多一些帳單
如若你還淘氣 你還強壯 盡管出走別折返
記住每日盡興歡騰通宵至到達旦
別忘掉原是以單純體恤每個災難
既是有力挺起胸膛即管好好作反
無懼雨水沾濕兩眼 年月燦爛
文章定位：
人氣(30) | 回應(0)| 推薦 (
0)| 收藏 (
0)
全站分類:
不分類
