＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

本年度另一個重點慶生活動，將於今晚o係旺角以飯局形式舉行～！！
由於早前主角話想食放題o既關係，所以我地就梗係應佢要求咁做啦～！！

日前已經派左世俊去book位，不過今次就竟然o係中段出左問題喎～？！
事因我地當中幾個已經到左，咁就梗係埋去諗住快快手拎位入去食野啦～！！
點知佢地竟然話機主尋日打電話去取消booking喎，所以大家都打左個突～！！

前後經我、姨丈、肥豆、家姐同秘書發爛，最終佢先肯幫我地盡快安排～！！
而隨後阿仔，世俊，姐夫及主角都陸續到場，飯局隨即就準備開心狀態喇～！！

一行十人齊齊圍埋食野近年好少有，所以呢次都確實算係一個新紀錄啦～！！
再者今轉仲有肥豬呢位新成員全新加入，故此就有一個新舊玩埋o既局面嚕～！！

雖然兩邊o既人起初未係好熟，但經大家傾下計又玩下之後就開始熟左～！！
其實今晚呢堆人都係玩得之人，所以大家一齊圍埋嘻嘻哈哈的確幾開心呀～！！

而今轉就係Phoebe生日o既關係，故此出席名單都係於早前已經夾過晒～！！
事因佢有部份成員係唔太想同場見面，咁我地就要因應佢要求先再叫人嘛～！！

大家圍埋除左想開心一番之外，當然講下大家近況及爆下料都係唔少得啦～！！
而是次主打俾人講o既人，就主要變左屈姐同埋Private兩位近年o既表現呀～！！
從Facebook可以得知朋友o既近況，同時呢到亦係一個可以八料o既渠道啦～！！

我地都理解人大左係會變，但最終到底係變好還是變壞就要睇事實啦～！！
至於佢地兩位始終未係好得人心，加上佢地近年o既表現又的確令人失望～？！
所以我地話識朋友係重質而唔重量，畢竟一生知心o既朋友的確唔會好多～！！

今晚除左有爆笑及爆料之外，另一重點就梗係計劃下及後o既唔同活動啦～！！
當大家提起話約唱Ｋ一事，我就不禁諗返起新年時同肥豆佢地去玩一事嚕～！！
我唔可以用極度難聽去形容該次感覺，所以我只可以話佢地係唱得搞笑～！！

就住一連串計劃o既商議出台，下半年另一重頭戲當然就係我o既生日啦～！！
現階段大家就已經開始夾期，因為佢地話想今年提前同我預祝左一轉先喎～？！

呢轉玩到11:00pm左右就要正式散啦，不過明晚將有另一場會繼續慶祝啦～！！
而世俊o係今晚亦抽左好多時間去傾計，同時佢亦講左好多佢o既諗法俾我知～！！
因應佢今年轉會一事o既問題，反而令佢更加明白把握時間及機會o既重要呀～！！