＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日又再係一次為Pheoebe派帖而約o既飯局，至於今次o既地點方面就係屯門啦～！！
而是次出席o既人除左有兩大主角同我之外，另外仲有阿仔、大妹同埋秘書啦～！！

而我今日下午就外出左一轉，事因咪就係出去買份結婚禮物送俾佢地兩位囉～！！
至於有關及後o既安排方面，我就已經同阿仔於早段有過交代同埋協調啦～！！

今次飯局約左7:00pm左右去到市中心會合，至於食咩就已經由主角諗好左喇～！！
所以大家會合左之後就過去餐廳，事關呢個時間都接近齊人可以準備開餐喇～！！

其實大家都已經有一段時間冇聚埋，所以我就梗係將個主導權交俾主角啦～！！
話晒佢都係時候同大家好好咁傾下計，而且又可以趁時機同大家講下婚禮o既事～！！

最初段時間大家都係主力去吹下水，部份時間咪就係講下大家近日o既生活事～！！
到後段時間主角就當然係同大家派帖先，而且仲趁機夾下當日o既流程想點做啦～？！

飯局期間氣氛未見得好奇怪，但我同Phoebe都感覺到部份人今晚表現有ｄ唔同～？！
所以我地及後都有傾過下相關問題，至於係咩問題就梗係需要用ｄ時間去了解～！？

而o係完左今晚個飯局之後，我地就要去會合返肥舅父兼由主角俾埋帖佢啦．．．
事因佢呢個時間先收工而未能參與飯局，所以我地就突然殺出左另一個行程啦～！！

事因我地早前話過由Jacky開車落去深井食野，所以我地就要先返黃金拎車先～！！
所以我地就要由市中心落返Jacky屋企，同時又要先同肥舅父去食左個Ｍ記呢～！！

然後我地就真係開車落去深井買糖水，及後就梗係搵個睇到海景o既地方停低啦～！！
吹住海風去食糖水加吹水o既感覺幾特別，而且我地又回憶返唔少過去o既事宜～！？

知道肥舅父都係有為感情事而煩惱，所以我地今晚幾個就主打呢個題目啦～！！
不過大家越講就越多野爆出o黎兼諗返曾經，所以成件事就變得既認真又爆笑囉～！！

經過今晚呢一聚之後，佢地忽然間好認同朋友間o既維繫的確係好重要囉～！！
事因佢地都知道我係圈中最有凝聚力o既人，往往好多節目或者聚會都由我去搞～？！
佢地都深明朋友間係應該大家都踏前多一步，因為冇維繫o既感情最終係會轉淡～！！