＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚呢個飯局就比較特別，因為今次圍埋係因為要賀Mandy升職呀～！！
而是次有份出席o既就有我，阿珊同佢男朋友，再加埋Okan同佢女朋友～！！

正正就係因為呢次飯局關係，所以我又再次一口氣識左兩位新朋友啦～！！
今次係第一次見呢兩位新朋友，不過佢地一樣係好玩得同埋好講得笑呀～！！

所以今次呢個講是講非飯局當中，我又聽到唔少笑話同埋其他人o既是非～！！
正係因為Mandy調離左青山o既關係，所以宜家有好多野都已經唔同晒喇～！！

而今次呢餐飯就係由Mandy負責埋單，主因就梗係因為佢升職加左人工啦～！！
再者我地各位早前都已經請過佢食飯，所以呢次咪當係佢向大家回返次禮嚕～！！
而我地今晚最終就揀左去朗豪坊頂樓食，而氣氛同埋感覺當然亦都唔錯啦～！！

今次大家圍埋除左有講下是非之外，當然都會講下生活事同埋工作o既野～！！
或者就係因為大家做o既野都已經有唔同，所以話題方面都開始同以前唔同～！？

至於Okan即將於下年結婚一事，我地今次圍埋都一樣有講下有關事宜呀～！！
話晒今次男女主角都同場一齊對住我地，咁樣我地就梗係拎佢地o黎玩下啦～！！

而o係完左晚飯飯局之後，我地又決定轉戰去左油麻地到食埋個糖水先散啦～！！
一如以往．．．今日講得最多野o既就梗係Okan啦，而被玩o既就係Mandy啦～！！
不過最令我地估唔到o既事，就係阿珊個男朋友竟然加入戰陣幫Okan一齊玩野～？！

面對住眼前呢一班另一個部門o既同事，不禁令我諗返起以前三子o既時代呀～！！
好多以前o既快樂時光都成為過去，而呢一切亦都只可以成為我回憶o既一部份～！！