＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 已經有半年時間冇同四妹見過面，不過我地最終都夾到今晚有個期喇～！！
事因早前都一直各有各忙，雖然曾一度想約埋食飯但又就唔到個期喎～！！

至於今晚個安排就係照舊係收工後會面，而地點當然又係揀返市中心啦～！！
呢次會面所談及到o既話題都有唔少，而首個主打話題就梗係先講下生活事～！！

開波通常都係先講下自己近期o既生活，及後就轉為講下家族上面o既事啦～！！
雖然佢近年度都係比較少出席活動，但佢私底下其實係一直都有同我聯絡o既～！！
無奈今年掛牌變動同是非都多，所以連帶本年度o既大型聚會都相對減少左～！！

另一方面．．．
今轉見面除左有談及到身邊o既人之外，我就梗係有問及佢o既感情生活啦～！！
事因佢上次同我都有講到有對象，不過今次聽完之後又覺得佢好似仲未揀定喎～？！
至於近年度亦有唔少掛牌成員陸續結婚，所以我地今次亦都有講下相關問題啦～！！

就住我地講到結婚事宜一方面，我地同時都有就住相處等o既問題去傾下啦～！！
事關我地身邊都有唔少呢ｄ問題，所以我地都有將部份經歷拎出o黎去傾過下～！！
至於我地o既睇法同埋做法都非常接近，因為我地都認同維繫最要就係要有心嘛～！！

如果雙方面經常都為左一ｄ問題去嘈，到底咁樣係會傷感情定係會增加了解呢～？！
我地都一致認為當事人如果係肯去改就會增加了解，反之就真係會傷感情囉～！！

至於掛牌近日o既變動方面，我今次都有同四妹去傾下兼爆左ｄ野俾佢知啦～！！
雖然話佢o係家族上o既時間都唔係短，但佢主力都力都係同我最熟最多野講～！！
所以我都有同佢講解下改變o既方法，就係佢及後必須踏前多一步去同各位混熟～！！

由細識到大o既真心朋友買少見少，所以我都勸佢認真去諗下邊ｄ人係要珍惜～？！
而且我亦藉住掛牌上近年發生過o既部份事宜，去同佢講下帶眼識人o既重要性嚕～！！