＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日下午又再度出左市中心一次，原因就梗係有聚會見下ｄ朋友啦～！！
至於今轉呢個組合都好耐冇聚過喇，所以呢次抽到時間去見面都係好難得～！！

今次同左Angela及大妹出去，其實我就並唔係同佢地同一時間出去啦～！！
事因我都係今早先收到Ahnela個msg話約今日下午，而佢就同阿妹出左去先～！！
佢地兩次女仔咁耐冇見就梗係約埋行下街，而我就之後先出去會合佢嚕～！！

正當我去到會合佢地之際，原來佢地先正式開始食今日o既第一餐咋．．．
而我就因為已經食左個lunch關係，所以咪同佢地o係到一齊傾下計先嚕～！！

三個圍埋呢次就轉為講下生活事，因為我地三個呢段時間都各有各忙啦～！！
而佢地兩位都因為本身要返工加上又要返學，所以時間上就比我係更緊迫啦～！！
正正就係因為佢地成日唔夠訓o既關係，所以一開聲就係話好累同埋好眼訓～！！

而今次除左講到下近日o既工作事宜外，佢地當然都有ｄ時間係外出去玩下啦～！！
特別係近期ｄ主題公園開左好多鬼屋去應萬聖節，而Angela早前又有去玩過啦～！！
至於我同大妹原定諗住今個月夾期食飯o既安排，睇怕都要再做進一步協調喇～！！

到o係同佢地食完野之後，我地就o係市中心入面同埋置樂附近行左一陣啦～！！
事因佢地兩個都話想睇下有咩冬季衫好買，不過佢地始終都係未有任何收穫啦～！！
雖然大家都已經一段時間冇見過，但有心想聚o既話就再忙都會抽到少少時間嚕～！！