＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
我一年一度比較多人o既生日聚會，將於今晚o係屯門Neway正式舉行啦～！！
其實今年原意係冇呢一場活動，不過因為早段大家想話搵個機會聚一聚嘛～！！

雖然今日有好多朋友未能到場，不過我地都仍然唱得盡興同玩得高興呀～！！
人就雖然比起上年冇咁齊丫，但係我地一行十一人都已經玩到癲晒啦～！！

約好大約8:00pm左右去到現場，好快大家就已經陸陸續續咁到場啦．．．
話晒都係本年第一次圍埋唱Ｋ喎，咁就梗係唱盡佢先覺得夠開心同盡興啦～！！

由我同司欣率先帶頭開始唱，話晒我地兩個就係今晚最唱得o既兩個喎～！！
當然今晚亦都有唔少唱之人在場，所以今晚對耳仔都唔使點樣受罪囉～！！
不過好多時佢地點左o既歌就連佢地都唔熟，所以我今晚就變左個伴唱囉～！！

而今晚由我所唱o既〝螞蟻〞，竟然就成為左今晚大家o既一個焦點喎～！！
事因世俊想揀o既版本係廣東話版，點知佢就竟然出左個國語版出o黎囉～！！
所以我就要靠住我平時煲歌o既記性，去將呢首幾難唱o既歌(廣東版)順利完成～！！

至於由我同司欣開左個頭之後，佢地陸續都唱始點下歌一齊玩一齊唱啦～！！
而我亦都同往年一樣，特別揀左一隻歌想藉住呢個場合去送俾我呢班好朋友嚕～！！

事因近日Phoebe因為朋友呢個問題而感到唔開心，所以我都有同佢傾過下啦～！！
或者Jacky都講得o岩啦，能夠做到朋友o既大家係應該要有了解同埋相信囉～！！
我地都明白人大左好多野會有變化，而呢個問題近日其實亦都困擾住我嚕～？！

我地都深明隨住年紀漸長o既同時，朋友o既數目係會陸續咁開始減少囉～！！
為左生活同埋家庭兩方面，淨返落o黎繼續可以行o既就真係自己o既好朋友嚕～！！
所以我地宜家都知道愛情同友情係要平衡，同時亦要珍惜自己身邊o既好友～！！

另一方面．．．
今晚除左有好似以往咁玩到癲晒之外，影返堆相留念呢部份當然就唔少得啦～！！
所以我地都盡量把握時間去影下相，話晒呢ｄ經歷就係我地將來o既回憶嘛～！！

而今晚除左各位高層同我好好傾之外，世俊今晚就成為左我o既主打喎～！！
因為佢近年都俾我見到ｄ轉變，所以我都希望同佢傾下兼提下佢要把握機會～！！
話晒家族近年o既人事變化都有唔少呀，如果識把握機會發揮或者會見到一片天～！！

另外．．．
近年家族上好多人o既另一半亦陸續出牌，今晚我地同時收到一個喜訊啦～！！
事因司欣o既另一半已經出現，所以我地就隨即同佢傾下呢方面o既事宜啦～！！
而且Phoebe仲話約好明晚再有飯局，主因咪就係等我地各高層見下呢位新人嚕～！！

至於o係Party完左之後，我、Phoebe、Jacky及于生就去左食糖水繼續吹下水啦～！！
而呢一部份所講o既話題就變得較為認真，事關係同部份掛牌成員o既事有關喎～！！

因為明年就會到Private結婚，不過佢o係家族上o既人緣就的確係好麻麻啦～！！
所以我地今晚都有就呢方面o既事傾下，因為于生話好想知道我地o既諗法嘛～！！

因為早前Private同于生傾過佢結婚一事，佢話好擔心我地呢邊o既人將不會出席～？！
事因係佢知道我地呢個圈o既人唔係太喜歡佢男友，所以佢怕會有呢個遺憾喎～？！
其實佢都已經算係好聰明，因為佢知道我有足夠能力去影響呢個圈o既人囉～！！

每個圈子都會有佢地一套玩法，只要你係識做人o既話就應該唔會有太大問題～？！
不過我知道呢班掛牌成員上面，佢地各自o既成熟度的確係有住幾大差異嚕～！！
而就住呢方面o既問題，我地幾個亦都有o係今次糖水會面中有詳細傾過啦～！！

身處o係呢個圈已經有十數年o既我，其實都經歷同埋睇到唔少年代o既變化～？！
所以每每出現呢ｄ問題o既時候，我都只好慨嘆呢個就係我地o既成長嚕～！！
螞蟻

怪我太過投入戀愛這小天地
誰知 夢醒一刻已經分離 還等你
怪我營營役役 卻無暇思考怎麼遠飛
太忙 無法呼吸清新的空氣
到最終給你嫌棄 別了伊甸創世紀

*難得我竟這麼死心塌地 都可把感情摧毀
你的突然離開 管我力竭與聲嘶 還是極攻於心計
請把安撫放低 儘管來拿走一切
傷得我這樣徹底 只好當踩不死的螞蟻

怪我完全投入相信你的演技
如今 但找不到上映的期 如齣戲
愛到毫無餘地 到頭來竟可 一敗塗地
太甜 無法享受失戀的淒美
像你不跟我遊戲 決心的把我處死

repeat *

難得你的一張天真笑臉 轉身竟可成魔鬼
你的突然離開 管我力竭與聲嘶 如受浴火的洗禮
請把安撫放低 儘管沉迷多一世
傷得我這樣徹底 可否對我也於心有愧

千方百計 殊途同歸 歸家再遠也彷佛螞蟻