＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
自四月同五月先後同佢嘈完兩次，到六月又要忙住睇波且又冇同我講過野o既佢．．．
今日終於有機會等我同佢見下面，而且我仲要拎埋份o係澳門買o既手信俾佢呢～！！

我知道『愛人』成個六月都冇任何特別問題，唯一問題就係玩自動潛水啦～！！
所以我今日下午就去左粉嶺同佢會面，不過呢轉會面當然就係有彈有讚o架啦～！！

約左下午2:30左右去佢樓下等，到我落車冇耐之後就見到佢都落到o黎喇～！！
第一件事當然就梗係問下佢有冇野要同我講，順道可以試下佢有咩野要自首啦～？！

佢第一個反應同以往一樣都係賣笑同賣口乖，而我就梗係插左佢潛水一事先啦～？！
事因我特登成個六月都唔搵佢，目的就係想睇下佢最終到底仲記唔記得有咩要做～？！
最終佢就梗係冇做到應做o既野而衰左，而且我生日方面亦未見得佢有做到準備～？！

先後就住呢兩方面o既事宜已經要插，跟手當然就係俾時間佢同我解釋一下啦～？！
而佢俾我o既解釋就係佢六月要忙於加班，所以佢就未能及早約我慶祝生日喎～？！
再者佢又話o係Facebook見到我有好多節目，所以佢就等我玩晒之後先到佢喎～！！

雖然我唔可以完全肯定佢係咪真係忙於加班，但係我慶幸o既野同時亦都發生～？！
事因佢成個六月都未被發現有任何北上紀錄，所以佢咁樣又可以記多一功囉～！！
加上佢早前到宜家亦成功戒到煙冇發作，因此我係絕對欣賞佢呢兩方面o既進步～！！

而佢上個月除左忙於返工之外，當然少不免就梗係要忙於佢o既睇波熱潮啦～！！
雖然佢好多時都被我發現好夜先訓，但係我寧願佢夜訓都唔寧願佢北上睇波呀～！！

至於佢六月份冇做到meeting一事，我梗係會把握今次機會將佢插多一轉啦～！！
佢o係五月先講緊自己想保住個第二位，但係六月份就竟然夠膽乜都唔做囉～？！

另一方面．．．今次見面o既時段裡面，我地竟然先後食左兩轉野呀～！！
因為我過到去o既首轉就先食左個下午茶，及後又因為想搵地方hea而去左食M記～！！

至於我今次過去除左有彈有讚之外，少不免會就梗係會一ｄ主力話題要傾啦～？！
首先o既話題當然就係講下CPH班人，之後我地就轉為講升職同加人工o既問題～！！

講完呢堆每次見面都會提到o既事宜之後，我地就轉為講下自己ｄ私事喇～！！
佢問到我近日身邊有咩特別野發生，而我主力就同提到下半年o既各個計劃啦～！！
因為我想o係講呢ｄ野o既同時，向佢帶出一ｄ我想佢明白我o既諗法同方向～！！

而佢今轉亦有主動同我講到八至十月o既事，事因呢幾個月o既佢都會有野發生～？！
首先就係佢好好彩咁俾人揀中左做陪審員，但係佢為左呢樣野又感到好苦惱喎～？！
事因佢根本就唔想參與呢ｄ事宜，因為佢話擔心o係過程中o既佢會聽到ｄ野喎．．．
而往往呢ｄ案件都唔會係好野，所以佢就更加唔想為自己增添不必要o既煩惱～！！

另一方面．．．佢又同我講到九至十月間，佢父母將會去加拿大探親兩個月～！！
所以o係呢段時間之內會令佢膳食方面出現問題，而我及後就或會作出配合啦～！？
趁住呢個機會當然就叫佢唔好諗住作反，而且亦叫佢要記低花都o個邊個密碼～！！

每一次同佢見面少不免都會出現鬥氣場面，而佢就話呢個就係我倆之間o既情趣～！！
因為我地由相識到宜家一直都係咁樣，所以未來o既日子都應該會keep住係咁～！！

再者今轉會面過程中亦有提到換手機及旅行二事，不過我地竟然不謀而合喎～！！
事關我地部手機係前後腳出機，所以我地到現階段為止都未覺得係有需要換啦～？！
雖則近日真係有好多新機推出，而且我地都同時對Samsung部新機感到有興趣．．．
不過我地就同時提出左個相同論點，就係有錢換同有需要換其實係有分別嚕～！！

所以我地就順道帶出第二個問題，因為我地都想慳返筆錢去返轉台灣旅行喎～！！
唔知點解．．．今日我地兩個有好多不謀而合，對好多野o既諗法都好一致囉～？！

由於佢同我最近o係工作上都好忙，但係我地兩個又真係好希望去轉台灣喎．．．
所以佢就主動問我幾時可以同佢去旅行，而且佢仲提出最快可望十一月就成事～？！
而為左呢個計劃去旅行事件，佢就知道左我同佢一樣都唔係o係香港出世嚕～！！

除此之外．．．
我地今日亦無啦啦提到資產方面o既問題，佢有幾多資產我叫做知道個約數啦～？！
但係佢今次竟反問我呢個問題，而且仲話我肯同佢去旅行o既話就會答我個實數～！！

其實對於佢o既背景資料，我早段就已經有唔少o係手兼且知道有關事宜o既～！？
而佢就住呢樣野竟然又可以帶出緣份呢樣野，佢話我同佢相遇根本就係天意～？！
除左人事部o既相遇事件之外，連帶我地兩個o既背景都竟然可以相似到咁喎～！？

另外．．．今日係全日o既鬥氣對話當中，佢竟然話覺得我開始變得好似佢喎～？！
佢話我答野o既答案同方式同佢越o黎越似，而且佢仲笑住問我咁到底係好定壞～？！
因為我成日會因為佢o既性格而插佢，所以佢就梗係想借機去向我暗示ｄ野啦～！！

睇見佢一步一步咁進步同埋有好o既改變，我的確係覺得開心又感動o既～！！
因為o係我今轉插佢o既同時，佢都同我講話佢已經好努力咁進步緊同盡力去達標～！！
再者因為我早段再次睇返佢從前o既紀錄，佢o既表現的的確確係越趨向穩定囉～！！

由我起初覺得佢真係有排教，到我用左兩年時間去將佢一樣一樣咁執返正．．．
佢就話佢已經好努力咁去附合我o既要求，而且咁樣對我而言先係一種挑戰喎～？！
而我就梗係同佢講明我唔鍾意留垃圾，不過佢就竟然對住我唱左首〝垃圾〞嚕～！！

今日見佢o既時間真係過得好快呀，唔經唔覺我地又係時候準備要散喇．．．
至於尾轉o既時間繼續爆笑多一轉，因為佢送我去搭車o既時候又鬧出一個笑話～！？
事因我係要搭車返落上水轉車，但佢見到架278X(荃灣方向)埋站就叫我上車～！！
跟住我就答佢話我返落上水喎，而佢就突然爆笑咁話佢記左荃灣o係元朗附近嚕～！！

其實今日中段係仲有唔少爆笑野發生，當中我地有講到結婚或拍拖o既事宜啦～！！
同時我又繼續有向佢追返堆相債，而佢為左可以唔使還債就梗係死人都揀聽話啦～！？

至於拍拖一事方面，我亦都同佢講過我好清楚佢性格、心態同埋需要o既對象～？！
因為經過近呢兩年時間裡面，我已經知道佢係需要一種識為佢諗多步o既女仔～！！
所以我先同佢講清楚呢兩年o黎，我為左佢做咁野o既最終目的都係想佢變乖仔～！！

而就住相處方面o既話題，今轉亦都有就住我地o既身邊人同埋事情去傾過啦～！！
我話好多時兩個人嘈得交多唔係好事，因為咁樣係會傷感情兼係分開o既導火線～！！
而佢就好聰明咁回應我話，有時候嘈下交係會有助增進兩個人之間o既了解囉～！！

先後三個月o既低潮期過去，我今次亦有同佢講明佢要保住自己個位都識做嚕～？！
而且我亦都有同佢再次講到，我之前送俾佢o既車係會同佢本人有連帶關係～！！
總之就車在人在；車不在就人都會不在，所以佢下半年自己要睇住o黎玩呀～！！

至於我今次送俾佢o既禮物方面，我就好爆笑咁同佢講話係分手禮物囉～！！
而佢就住我生日禮物方面，其實佢早前亦都已經有個方向兼表明我係佢唯一啦～！！
因為我係佢唯一一個令佢肯送禮物o既人，而且佢仲話佢對我已經係最大方嚕～！！
而關於驚喜方面o既要求，佢就話驚喜呢樣野就梗係要突然有先至係Surprise喎～！！
最幸福的事

就算雨傘破了身體濕透 沒法子
就算冷笑冷到不是味兒
就算我向世界飛奔千百里 又再輸
就算跌過百次 再尋下次

溫室無非逃避災或雨 心鎖從來沒有鎖匙
心弦若果 頻率很類似 相看像照鏡子 淚痕仍似詩

曾想像太好 歷太多失意
孤單的滋味 天知我知 太幸福的事也許要變卦幾次
方悟到珍惜的意思
失望太多 就試多一次
不捨的思念 不可竭止 最著緊的事已經錯過無限次
請讓我將心中句子 認真講你知

閉起門窗 誰願給耐性 心聲原來是最真誠
失眠日子 年月很動聽 天際倦到再黑 夜闌仍有星

曾想像太好 歷太多失意
孤單的滋味 天知我知 太幸福的事也許要變卦幾次
方悟到珍惜的意思
曾失望太多 就試多一次
不捨的思念永不可竭止 最著緊的事已經錯過無限次
請讓我將心中句子 認真講你知