＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
上年度所有野都完晒之後，我同『愛人』都已經唔再好似以前咁喇．．．
正正就係因為呢個轉變，忽然間又令我對佢產生出一系列o既疑問囉～！？

由月頭睇頒獎禮o既時候開始，去到宜家都先後問左自己好多問題呀．．．
到底佢係咪又係玩一年就唔見左o既人，佢係咪又係好似堆前No咁樣消失～？！

上年度全年都有好表現o既佢，今年一開波o既感覺就已經打回原形咁．．．
自上年底由佢轉走開始，係咪問題就已經存在同埋係我地o既隱憂呢～？！

另一方面．．．
月初及上年尾時間先後因為一ｄ問題，佢同我之間就竟然有ｄ唔協調啦～！！
事因我前後數次有事叫佢出手，佢都冇嘗試過去諗辦法幫我解決下嘛～！！
而我突然出呢堆task俾佢，主因就係想考驗下佢平日講o既做o既係咪一致～？！

無奈結果係令我有ｄ失望，而且佢仲為左呢ｄ事而向我發脾氣示威喎～！！
其實我都係好後期同佢玩Whatsapp先知佢嬲左，不過我都有出過手哄返佢～？！

至於近日同身邊人o既對話當中，亦都曾經提及佢仲有冇搵我或見過面啦．．．
點知尋晚同阿仔講完佢表現之後，佢今日就Whatsapp約我今晚出去食飯喎～！！

我地今晚最終就約左出旺角食野，而佢話見面目的就係因為我地太耐冇見～？！
不過今次一見面o既第一反應唔係鬥咀，而係變為講下我（地）公司o既事喎～！！
事因佢都知道呢排有一連串變動，所以佢咪一次過問晒我近期呢堆事囉～！！

今轉見面主力竟然變左講公司事，不過我亦都有趁機問下佢考EA2 o既事啦～！！
話晒佢呢方面都有經驗同埋轉數快，所以我咪諗住問佢拎下參考答案嚕～！！
由於今次見面時間唔係太多，所以我地主要都係抽晒堆重點去傾下就算喇～！！

至於o係講完堆公司事之後，我地就提及到上年度佢仲欠我而未清o既野啦～！？
當我地一轉到講到私事方面o既時候，鬥咀o既情況又少不免會出現一下嚕～！！
不過呢種場面已經唔再好似從前咁喇，因為我地會迫對方盡快提出解決方法～！？

另外．．．對於佢近日o既表現方面，其實我對佢o既心態都已經作出調整喇～！！
雖然佢o既身份暫時未有大改變，不過今次見面o既感覺就同以前真係好唔同～！？
到底係呢一連串o既轉變我仲未適應，但係佢俾我o既感覺真係已經唔同左呢～？！