一年時間容易又過去，話咁快就要準備迎接新o既一年來臨喇．．．
回望返呢一年時間o既經歷，今年的確係比上年過得開心同埋充實嚕～！！
每年自己都希望來年可以過得開心，而今年亦都算係叫做圓左心願啦～！！
不過今年o既我同樣有呢個願望，因為我知道人大左之後要開心係絕不容易～！！
同時隨住年紀漸長同經歷多左，我就更加學會珍惜身邊人同每一段時光呀～！！
今年同往年o既情況都大致上一樣，上半年時間同樣都係過得比較平淡啦．．．
事因今年我同阿仔都各自有好多野忙，再者一眾掛牌們亦都係各有各忙嘛～！！
所以上半年時間係好少搞聚會或活動，最多都只係有兩三個飯局去聚下嚕～！！
至於今年年初時間，好多以往都失蹤左o既掛牌成員都回歸左我地圈中．．．
同時我地其中一個成員Tracy亦宣佈，佢將於下半年時間同阿Ken拉埋天窗啦～！！
當然另一位亦計劃左來年結婚o既Phoebe，中途就竟然彈出一單新聞喎～！！
起初大家都一心諗住賀完Tracy之後，接力就會到Phoebe同Freeman拉埋啦．．．
無奈佢地兩個長跑左九年時間之後，最終都係逃唔過要分開o既事實呀～！！
呢單新聞真係令到我地大為吃驚，事因佢地離離合合都先後試過唔少次嘛～！！
而o係上半年搞過o既聚會方面，主要都係以高層上o既聚會為主力啦．．．
同時接近Phoebe生日o既時間，我地亦都有搞過飯局去同佢慶生兼一聚啦～！！
近年大家都非常忙碌同難夾到時間聚頭，所以呢ｄ時光大家的確特別珍惜～！！
而接住落o黎當然就係我o既生日時間，同時身邊各位亦都好俾面出席唔同場次～！！
由年頭開始一直忙到近年中o既時間，阿仔終於都可以同我多返ｄ時間見下喇～！！
今年亦係我生日場次最多o既一年，一連十場o既慶生飯局完左後就開始下半年～！！
至於今年o既自己除左繼續著重音樂之外，電影方面亦都比往年睇多左喎．．．
不過呢年咁多次入去戲院睇戲，都係因為有身邊兩位主打人物陪我而去完成啦～！！
今年前後都睇左唔少套電影，不過當中就以〝那些年〞呢套最為深刻啦．．．
事因呢套電影除左真係好睇外，最重要o既就係自己同埋身邊人都有好大共鳴～！！
另一方面．．．其實原定今年都有唔少計劃係想於上半年去抽時間同阿仔完成～！！
無奈阿仔上半年俾到我o既時間真係好少，所以上半年可完到o既野真係好少嚕～！！
同時．．．本年度一個好強o既新成員，亦於上半年正式登場兼打入我生活當中～！！
今年擺o係阿仔到o既時間的確係少左，事因新成員o既出現的確又係一個原因．．．
而『愛人』o既登場除左為我帶o黎開心o既生活之外，同時亦令我有唔少改變啦～！？
近五年o黎第二個以特殊身份出場o既佢，今年o既風頭真係唔比阿仔當年差呀～！！
上半年時間因為阿仔時間上o既配合問題，而令我擺左唔少時間o係新成員身上～！！
正正亦都係因為『愛人』o既出現，及後就帶出一連串o既問題同埋小風波啦～！！
不過隨住佢地打破隔膜去見過面之後，好多問題就好似突然間解決左咁呀～？！
每一年除左阿仔係第一主打之外，今年o既第二主打正正就係『愛人』啦～！！
睇返今年同佢地各自o既經歷都有唔少，同時今年o既我亦有一個新突破同嘗試～！！
而呢個全新o既改革就係因『愛人』而起，因為佢竟然令我搵返當年o既感覺～！！
阿仔就話一直都係住o係屯門，所以我地之間o既距離根本就唔算得上係咩啦．．．
但係『愛人』就係住o係粉嶺，所以我地要面對面去傾計就確係有一定難度～！！
正因為佢o既需要同我地之間o既磨合，反而令到我經常屯門同北區兩邊走嚕～！！
另外．．．年度家族上一單重頭戲，相信就係Tracy同Ken個國慶日的婚禮啦～！！
而o係呢一次o既經歷當中，竟然令到我地一班掛牌圍埋一齊去回憶返當年喎～！！
除左一眾掛牌都有出席之外，我地四巨頭為左今次o既事而終於再一次同場～！！
雖然今年o既時間好似絕大多數都係開心，不過當中亦都有唔少是是非非出現～！！
而Phoebe同詩嘉o既另一半當然亦係主題，無奈詩嘉個另一半就係一個失敗例子～！！
原定計劃左本年度出牌o既佢地，最終就只有Phoebe另一半成功於年底出牌啦～！！
同樣每一年會有開心同唔開心o既事，今年開心o既事其實都一件接一件啦．．．
賀完Tracy結婚之後o既一段時間，我地又因為Phoebe畢業而再次圍埋玩喎～！！
雖然呢次都未係完全齊晒人，不過今轉都已經夠我地呢班老朋友開心返轉～！！
新人o既出現同舊人o既離開，每年都係大家好關注o既熱話同埋問題啦．．．
除左有新人計劃會出牌之外，四妹同佢o既另一半最終都係因為唔夾而要分開～！！
至於本年度出左場而又最成功o既新成員方面，我相信都係非『愛人』莫屬啦～！？
另一方面．．．
上半年時間雖然好多時都要屯門同北區兩邊走，不過及後就減少左其次數喎～！！
主力係因為『愛人』有一段時間搬左o黎屯門住，同時我亦開始認識佢o既朋友～！！
由年中開始o既頻密電話同見面，令我同『愛人』之間o既關係急速發展．．．
所以由佢決定要搬o黎屯門開始，我同佢o既感情其實一直都係有增無減唷～！！
而由佢決定搬出o黎開始到及後，我當然一直都有o係唔同方面去幫佢啦～！！
正因為佢係同佢朋友一齊住，所以我就連帶佢o既朋友都識埋兼有好o既開始．．．
成功令到佢身邊o既朋友對我一致認同，呢個結果都的確令我地有ｄ意外啦～！！
所以下半年時間都多左同佢地相處，而且關係亦都係急速咁進步發展啦～！！
開心o既日子往往都係令人嚮往，同『愛人』相對一年有多o既時間始終要完～！！
事因佢於年底就要離開呢到返去PYH做野，加上佢亦都會搬返粉嶺屋企住喇～！！
至於去到近年尾時間方面，活動當然都係好似往年咁安排左ｄ野迎新年啦．．．
而年度o既平安夜、聖誕日同埋除夕夜，亦都為我同阿仔之間寫下一個新紀錄～！！
事因呢三個對我甚為重要o既日子，佢都竟然可以全數陪到我一齊開心咁過～！！
隨住一連串計劃左o既活動陸續上馬，好多時都係以我同阿仔及秘書為主～！！
睇返今年我地三人行o既活動當中，唔少地方都係我地特意揀o黎一齊去嚕～！！
雖然呢ｄ地方或者形式未至於去到好特別，但係呢ｄ時間就係我地最享受o既～！！
雖然今年整體而言都好似比上年過得平淡，但係特別o既野都真係幾難忘呀．．．
遇到新o既成員而令自己有新嘗試同突破，或者就係我人生另一個新o既里程碑～！！
回顧返呢一年開心o既時光的確都有唔少，希望自己來年同樣可以過得更精彩啦～！！
2011年度熱播十大歌曲
01.胡夏－那些年(232)
02.嚴爵－好的事情(216)
03.梁文音－最幸福的事(203)
04.林育群－人海中遇見你(188)
05.容祖兒－花千樹(174)
06.陳奕迅－苦瓜(166)
07.許廷鏗－殘忍(155)
08.劉耕宏&許慧欣－心動心痛(141)
09.蘇永康－那誰(126)
10.A Lin－今晚你想念的人是不是我(103)
文章定位：
