＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

經過數日o既不快同埋沉澱之後，我又要繼續過返自己o既生活啦～！！
雖然呢個星期o既感覺真係好難過，但我始終都係唔太想身邊人擔心嚕～！！

一連幾日有唔少身邊o既朋友，加上『愛人』同埋阿仔o既關心．．．
或者我係好理解同明白佢地所講o既道理，但我始終有我內心o既感受嚕～！！

由星期三忙到今日都有飯局，而今晚就約左Raymond出左旺角食飯啦～！！
至於今晚o既目的除左係見面傾計之外，主要係俾返之前買飛ｄ錢佢先嚕～！！

今次講o既話題冇咩大特別，我地主要都係講下身邊人或近日o既事啦．．．
而且今晚又落住大雨，搞到我地只好匆匆忙忙咁搵個地方食飯傾計就算～！！

至於今日o係公司方面，絕大部份o既同事都知道我唔係太開心啦．．．
所以佢地咁多位都好遷就我，同埋人地又抽時間陪我食飯或傾下計啦～！！

當然對我最重要同埋有影響性o既，就梗係『愛人』同埋阿仔兩個啦～！！
阿仔近日要考慮而未能經常陪住我，但佢都連日o黎有同我Msg開解我啦～！！

至於『愛人』方面．．．
佢除左o係公事上主動左幫我唔少之外，呢連日o黎佢都好就得我嚕～！！
基本上我呢幾日講乜；甚至發晒脾氣都好，佢都盡量去忍我同埋哄我開心～！！

經過今次一役之後，我又睇到一個更深層次o既『愛人』及其相關表現啦～？！
事因佢呢兩日對我o既遷就同埋關心，我覺得佢係可以做到一個極佳o既層面～！！

雖然我今次呢件事並冇主動同佢講，但係佢都一樣係好開心同埋錫我囉．．．
至於我今次選擇唔同佢講o既原因，就係因為我唔想令到佢太擔心我呀～！！

我知道身邊咁多位都希望我唔好亂咁諗野，所以佢地都好主動關心我～！！
不過我始終自己知道自己即使有幾唔開心都好，我都唔想影響到身邊人嚕～！！