＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
呢幾日o既心情真係差到不得了，事因係同公司o既人事變動有莫大關係啦～！！
『愛人』同埋肥仔要先後離開呢到，突然間令到我覺得身邊o既變化好大呀～！！

一直好拍得自己o既兩位要離開，再者自己o既前途問題又係煩惱啦．．．
近日好多身邊o既事令到我有好大o既感觸，甚至令我有好多好多o既反思添呀～！！

對於佢地o既離任加埋前途問題，我真係覺得好灰同埋好唔開心囉．．．
為左呢一堆又一堆o既問題，或者盲係令我內心負擔好大所致而不斷唔開心啦～！？
我甚至有為過呢一連串o既問題，而考慮過係咪應該要辭職唔繼續做呢～？！

聽過好多身邊人o既意見之後，佢地都叫我要冷靜同埋諗清楚先落決定啦～！！
但係呢一連串o既問題，我就並冇同『愛人』提及過我o既諗法同感覺呀～？！

其實有關佢即將要走一事，我都已經真係有好多野要煩同埋擔憂喇．．．
不幸地加埋呢排一連串發生o既事，搞到我成個人都完全靜晒同唔太想講野～！！

至於夜晚時間方面，我就同左三子佢地出去食晚飯當係補祝肥仔生日啦．．．
但由於近日o既事令我真係好冇心情，所以我曾經有考慮過缺席呢次飯局嚕～？！
後尾我再回心一想，我既然早就應承左佢地會出席呢餐飯就無謂推佢地啦～？！

雖然我都知道自己係夾硬上場，但係我o係佢地面前就做到同平時一樣嚕．．．
所以佢地根本就唔會察覺我有咩唔妥，而我咁做亦都係為左個氣氛著想囉～！！
如果成晚都單係靠『愛人』自己講晒野o既話，我知道個感覺就會好奇怪～！！

至於今轉飯局所傾到o既話題，主要都係講下佢地轉走同埋公司o既事啦．．．
今次一走就走兩個做得野o既人，所以呢次o既地震都唔係話容易搞掂呀～！！
再者近日公事又有唔少問題發生，所以可以談論o既話題都有唔少啦～！！

至於o係飯局完左之後，我就真係完完全全咁靜晒冇咩特別野想講喇．．．
因為我清楚知道自己已經去到極限，我宜家需要o既係俾自己冷靜一下先嚕～！！

而o係返到屋企之後，我就走左入房到閂晒所有野俾自己好好咁靜一靜～！！
不過o係呢個時候，我就要顧住同『愛人』及阿仔用Msg傾下近日o既事囉～！！

因為佢地已經感覺到我好唔妥，所以佢地就先後出手去開解我啦．．．
一路同佢地去Msg傾返呢堆事，我就真係忍唔住想喊o既感覺喊左出o黎喇～！！

我知道好多現實o既野都係要面對，但係自己內心o既感覺又係另一回事嚕～！！
經過今日o既經歷之後，我終於知道自己有事o既時候最需要o既到底係邊個囉～？！
阿仔對我係點就梗係無須有疑問，但係今次連『愛人』都俾我睇到佢對我o既好．．．
我就真係覺得佢地兩個對我o既影響性，可能比我自己所知o既更甚添呀～！！