＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
其實自知道『愛人』將要離開一事開始，我心情就已經變得好忐忑不安．．．
而呢種不安o既感覺就好似上次阿仔要走一樣，內心有住一種百般o既無奈～！！

雖然我係有一種好唔開心o既感覺，但係我又唔想俾『愛人』知道囉．．．
所以我每日o係佢面前，都只好表現得好似若無其事同埋好平淡咁o既樣嚕～！！
直到呢一刻o既我．．．都唔知係我對佢冇信心，定係我對我地之間冇信心～？！

佢今早一踏入公司門口，第一時間就已經講左兩個消息俾我聽啦．．．
第一就係講到有關今晚o既飯局安排，第二就係講到PYH已經firm左會請佢喇～？！

日前當佢仲未收到firm佢消息o既時候，反而就係佢覺得好心急同擔憂．．．
但到今早當我聽到呢個消息之後，我突然就有一種唔識形式o既失落感呀～！！
我知道最後都係要面對呢個事實．而最終結局變成點亦都非我所能控制～！！

一直以來．．．佢對我都好肯定，而且佢介紹親我o既時候亦都係好肯定我～！！
對於佢俾我o既肯定同埋相信，我理應係覺得開心同埋有信心先至o岩o既～！！
無奈o係我過去種種o既經驗所得，眼前呢種快樂同埋相處方式最終都係會告吹～！！

至於今晚呢場飯局方面，我同『愛人』同平日一樣都係收工後先會合埋～！！
及後就同佢一齊返去寶田，再會合埋Marcus之後先一齊落去樓下買埋ｄ野食嚕～！！

又係四個人分成兩組成事，買好晒所有要買o既野食同野飲之後就返上樓喇～！！
至於我今次只係負責陪住同行，到之後要做開餐o既前期工夫就交俾Marcus喇～！！

第一次咁樣同佢地打邊爐，大家又再一次圍埋一齊吹水同埋講下笑話啦．．．
至於佢地三位其實都係識飲酒，唯獨我對呢方面就真係完全唔掂喇～！！＝．＝”
幸好今晚有『愛人』在場幫我擋一擋，如果唔係．．．我就真係出事喇～！！

雖然話我地四個都叫做唔陌生，不過傾到o既話題又未必係完全有共鳴感嘛～！！
所以我地間中都會分成兩邊傾計，畢竟相熟程度當中又的確係真係分左兩對人～？！

而今次同『愛人』所傾o既反而係私事較多，而且佢有仲問起阿仔近日點添～？！
正當佢問起阿仔o既時候，我就收到阿仔o既來電同我講左唔夠一分鐘電話嚕～！！

輕鬆o既時間通常都係過得特別快，話咁快食飯o既時間就咁就要完喇．．．
不過下一節大家圍埋所講到o既話題，竟然就係近日大熱o既〝超級巨聲３〞喎～！！
我地大家都有研究下呢個比賽o既玩法外，同時亦都有講下對班參賽者觀感啦～！！

至於去到尾段o既時間，我地就圍埋一齊睇下電視或做下自己野咁啦．．．
而再一次令我同『愛人』感到意外o既，同樣係出自Marcus口中o既一句話嚕～？！

雖然．．．我早就已經去到可以跟住『愛人』自由出入o既階段啦．．．
不過點都估唔到佢今晚竟然加左句，如果我係唔趕住走o既自己招呼自己啦～！！
反正．．．我都知道佢唔會理我，我可以o係到照做我自己想做o既事喎～！！＠＿＠