＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
因為呢排連續都落雨o既關係，所以『愛人』搞到佢自己都冇鞋可以換喇．．．
其實搞到自己冇鞋可換o既主因都係佢自己，事關佢只係得一對鞋擺o係呢邊～！！

捱左咁耐始終都係要面對呢個問題，最終佢今日就特意同我傾下呢個問題啦～！！
由於我好多地方買野都可以有折，所以佢咪特別約我收工後同佢出去買新鞋嚕～！！

雖然佢係冇咩特別要求同埋方向，不過佢主來來去去都係o個ｄ款o架啦．．．
收工後返屋企擺低左ｄ野之後，我就折返屯門醫院會合埋佢同Marcus出去喇～！！

一齊出得去市中心當然會食埋野，而今次飯局當中又認識多一位新o既朋友～！！
呢個女仔原來係Marcus個同事，不過呢個女仔同『愛人』原來就唔係太熟o既～？！
一如以往咁樣出場o既我，好快又可以同呢位新識o既朋友變得有講有笑喇～！！

至於我今次o既出場方法，當然就係要由Marcus去做個簡單o既介紹啦．．．
不過係佢介紹我俾呢個新朋友識o既時候，『愛人』又再一次感到意外喎～！！

由於呢個朋友連『愛人』都唔太熟，所以我呢次都係以被動式為主．．．
對比上一次識『愛人』ｄ朋友，我今次就真係變得比較少野講同怕羞嚕～！！
不過『愛人』就梗係唔覺得我會怕陌生，事關佢覺得我同Raina好快就好好傾～！！

今次之行除左幫『愛人』買鞋之外，另外Marcus又要添返堆日用品及食物～！！
我地行下、買下又傾下，其實整個氣氛同埋感覺都真係輕鬆同埋幾好笑嚕～！！

而我地四個人去市中心買晒所需o既野之後，最終就轉戰新墟到食野啦．．．
呢轉飯局當中又爆出唔少笑話，而主力被攻o既人同上一次竟然又係一樣囉～！！

其中除左由Marcus爆出唔少佢o既秘密之外，就連Raina都唔留手咁串爆佢～！！
我都可以理解『愛人』俾人o既感覺係好特別，或者就係因為呢種特別而出事～？！

由於佢呢排好迷一套即將上畫o既電影，所以佢呢排o既行為都好上晒腦咁～？！
但咁o岩佢地講緊聽晚想去跑步之時，佢就竟然爆出一個真係好爆笑o既笑話嚕～！！
佢話人地就去球場跑步瘦身，而佢就企o係跑道到睇佢本剛買o既〝那些年〞喎～！！

另一方面．．．
原來佢地今日去買野食之時，同時係已經傾好想聽晚約埋一齊打邊爐囉～！！
至於今次o既地點就係返去寶田到食，而Marcus今轉竟然又意外地叫埋我嚕～？！

由Marcus先後一連兩轉o既表現，『愛人』真係覺得我係出奇地成功呀．．．
自第一次見面兼食飯開始到宜家，我就係唯一創造左個前無古人o既好紀錄呀～！！