＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今晚係年度首場o既生日飯局，同時又係同一班舊同學一聚啦．．．
大約7:00pm左右去到市中心Pizza Hut拎位，之後佢地班人就逐一到場喇～！！

而今晚上半場o既飯局除左有我，詩嘉，Tracy同Janet之外．．．
另外介有兩個好耐冇見o既舊同學都到場，而佢地分別係Kathy同埋嘉健～！！

起初唔知係咪因為大家太耐冇見，所以都有ｄ冷場o既感覺囉．．．
雖然大家係同檯食飯，不過就因為近年接觸o既多少而分成左兩邊咁嚕～？！
咁當然有得我在場o既話，呢個咁奇怪o既局面好易咁就俾我打破左喇～！！

大家圍埋主要先係講下妣前ｄ事，又講下大家近年度o既生活情況啦．．．
畢竟大家畢左業都有數年時間，而且我地今次先係第一次約埋一齊食飯～！！

傾下玩下咁好快就冇咁陌生，及後大家肯講野o既程度都開始多左喇～！！
至於我同詩嘉兩個就係最唔怕羞，近乎全少o既氣氛都係由我地去帶住嚕～！！

直到上半場完左之後，下半場就多埋阿姨同埋阿樂o既加入啦．．．
一行八人就變得更加好玩，因為佢地兩個又係ｄ會勁多野講o既人嘛～！！

至於呢次飯局．．．
除左繼續有講到關係Tracy結婚一事之外，另一個突發o既消息同時彈出～！！
我地大家都一心諗住飲完Tracy結婚o個餐後，跟手就到阿姨o個餐啦～？！

不過佢地原來就係因為結婚o既問題，最終搞到臨門一腳先o黎話分開囉～！！
同時由於佢地早前都離合過數次o既關係，所以今次大家都以為佢講笑啦～？！
就算今次真係又話鬧分開都好，或者遲少少時間又會再次一齊返呢～？！

至於講到結婚呢個問題o既時候，女仔們通常都係比較認真及審慎嚕～！！
雖然我地各位都唔希望呢個係事實，不過最終無奈都係要接受啦～！！

另一方面．．．
呢場飯局表面上好似一切順利，不過背後係咪咁又係另一回事啦～？！
呢班女人們就算佢地內心有幾多不滿都好，表面上o既交際果然又係做到足～！！