＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

一大清早就先同阿仔玩左陣MSN，因為我諗住問返佢ｄ野嘛．．．
事關個獎有首背景音樂伴住，但我當時又竟然醒唔起係邊一隻歌喎～？！

經過我一番努力之後，我終於都知道隻歌係〝愛是不保留〞喇．．．
而原定今日會留o係屋企o既我，睇o黎今日都難免要出外至少一轉喇～！！

至於o係未收約會之前，『愛人』竟然o係返港之後就打左俾我喎．．．
佢話佢同俊俊食完早餐之後就散左水，而佢就去緊搭火車準備返屋企喇～！！

佢地兩個叫做玩左一晚，而且當晚又有講到關於我地部門同事o既問題啦．．．
而『愛人』就話俊俊同佢所講o既野，就係早前我已經知會左佢o既內容啦～！！
同時經過佢地單獨相處o既呢一晚，『愛人』似乎都挫到ｄ料返o黎啦～？！

所以佢就打o黎同我講左先，起碼咁樣可以及早夾定份口供去同佢地講野嘛～！！
而我同『愛人』亦都有左共識，就係我地會將我地o既關係繼續保持低調啦～！！
畢竟唔同身份就要用唔同手法去處理，所以我地亦要學習適應相關o既改變嚕～！！

正當我地講到呢部份之時．．．
我就話連『愛人』佢都Ｎ重身份對住我，每日甚至每次我都要轉台去配合～？！
而佢就話．．．佢對住我就只係得一個『ＬＯＶＥ　ＹＯＵ』台咋喎～！！

去到今時今日呢個階段，我同『愛人』都知道我地已轉變做百搭o既身份啦～！！
因為o係佢地眾人裡面，我倆係最受大家喜愛同埋覺得係可以做到朋友o既人～！！

另一方面．．．．
同『愛人』傾到差唔多之後，我就收到Angela來電話約我出去食lunch啦～！！
大約2:00pm左右．．．我地就o係市中心到會合左，及後就行去食野啦～！！

可能今日係星期六下午，所以周圍o既食肆都非常之多人等位食野呀．．．
至於我地兩個係難得一見，少不免就梗係講下近況同埋工作上o既不快啦～！！

而我對住佢就會變做開解者，因為我都知道佢有好多不快想搵我呻下嚕～！！
同時亦因為呢個原因，我每次見親佢都會帶笑且諗下有咩趣事同佢講下呀～！！

由於佢最近工作上都非常之忙，所以我地近月都好少時間聚頭啦．．．
食完野同埋吹左陣水之後，我就送左佢去西鐵站搭車返屋企好好休息下喇～！！

而夜晚飯後o既時間，我又再一次收到『愛人』o既來電啦．．．
佢今次打o黎主要係補充返尋晚o既活動情況，另外就係叫我幫佢download歌～！！

佢話尋晚佢同俊俊又落左酒吧飲野，不過呢到就又嘈且ｄ人又雜啦～！！
其實佢都知道我唔喜歡佢去呢ｄ地方，無奈佢又俾埋一堆講唔通o既理由我啦～？！

另一方面．．．佢今晚又繼續發揮佢向我賣口乖o既本領啦．．．
佢話就算要佢放棄晒佢身邊全部o既朋友，佢都唔會選擇去放棄我喎～！！

而且佢又同我講．．．
話自我出現o係佢o既生活之後，就令到佢生活上o既痛苦減少左好多喎～！！
因為我好明白同理解佢o既需要，同時o係各方面又可以幫到佢好多野～！！

而及後當我幫佢download好晒堆歌之後，我就約左個朋友落樓傾計啦．．．
但係呢個時候o既佢正想問我拎歌準備去跑步，所以佢就大問我做咩要落樓～？！
而o係同佢解完一輪話之後，最終都係要留待到佢跑完步後先有歌拎嚕～！！

至於聽晚首場o既年度生日飯局，今早就已經收到Tracy來電確定左啦．．．
同佢傾左一陣近況及落實左約會之後，咁我地就留待聽晚見面先再傾過啦～！！