＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
阿仔去左新加坡旅行四日，尋晚終於都正式返o黎香港喇．．．
佢一落機就已經即刻打左俾我，同時我地又講好左今日會出街食飯～！！

至於佢唔o係香港呢短短幾日之內，我就真係夠晒燥同埋忙呀～！！
其實呢幾日令到我燥o既原因，都已經唔係因為個仔去左玩而唔o係身邊喇～！！

主力令到我覺得好燥o既原因，首要都係因為唔夠訓同埋公事囉～！！
正正就係因為呢幾日公事唔開心，所以前兩晚都有同ｄ朋友落去吹水嚕～！！
我知道阿仔唔o係到就好難令我唔火，同時『愛人』又係首當其衝慘死啦～！！

星期四晚同個朋友吹水都唔係吹到好夜，佢陪我hea左一輪都已經叫做好左～！！
跟住星期五晚就俾屈姐好夜都捉左落樓，一傾就傾到2:30am先散水返屋企訓～！！

自從部份生活上o既習慣改變左之後，好多身邊o既朋友都同我講．．．
〝你同以前真係唔同左好多，以前呢ｄ時間根本唔會搵到你或者見到你～！！〞

同時因為近日近年經歷o既事多左，另一句令我聽得最多o既說話就係．．．
〝你個人真係好好〞，而就係因為呢句說話更加令我覺得當中o既努力係值得囉～！！

現代講心唔講金o既人，相信都已經越o黎越少喇．．．
不過正正就係近日o既所有事當中，竟然俾我知道『愛人』都係咁樣對我唷～！！

而且加埋佢呢幾日對我所講所做o既一切，真係令我覺得感動又開心囉～！！
不過．．．就係因為呢種不經意出現o既快樂，偏卻令我有種擔心o既感覺出現～？！

至於今日o既重點節目，當然就係同阿仔出去行街、食飯同埋買野啦．．．
大約2:15pm左右，阿仔就過o黎我樓下會合埋我一齊搭車出去葵芳先啦～！！

因為我第一站就係要去買車，而呢部車竟然就成為我首半份生日禮物喎～！！
接住我地就再去搭車轉戰沙田市中心，事關我要為今晚o既行程做定連接嘛～！！

而原定今晚都會出席飯局o既秘書，就因為身體不適o既關係而缺席啦～！！
雖然呢次之行係少左個人，不過我地兩仔爺就行得仲自然同埋傾得開心啦～！！

見到個仔不忘會同佢講下近四日o既事，當中包括我o既私事同埋公事啦～！！
同時今次之行o既另一個重點，就係幫阿仔打造佢第三及第四個新形象唷～！！

呢兩個全新形象都有住唔同風格，而呢兩個新look就將於六月及七月登場～！！
同時．．．佢今日都有同我探討過下，時下衣著潮流同埋點樣去配搭囉～！！

搞掂左下半年度兩個新look之後，我就同佢搭車落去火炭食晚飯喇．．．
呢餐飯又係咩都會傾下，當中話題係包括近月o既事同埋部份o既往事啦～！！
就住各個話題都有唔少意見同埋分析，呢個正正就係我地之間有o既共識啦～！！

食完晚飯之後．．．我地就揀左去搭73A返去上水再轉車返屯門啦．．．
至於呢個比較特別o既安排，當然就係想藉機俾我可以同佢多ｄ時間傾計啦～！！
同時o係呢程車回程中，我就梗係有順道話埋俾佢聽『愛人』o既居住地啦～！！

而o係今日全日o既行程當中，我就當然係覺得開心同埋自在啦．．．
不過呢次令我最喜出望外o既事，就係阿仔竟然同我講話想學巴士路線嚕～？！

之前幾年有叫佢試下去學都冇咩反應，但估唔到佢今日竟然主動提出喎～？！
既然個仔係有心想學o既話，咁樣我都會好俾心機咁慢慢去傳授俾佢唷～！！