＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日繼續過一個好忙o既假期，全日o既行程都已經爆滿晒．．．
一早訓醒冇耐就有朋友打俾我，話約實陣間10:30pm左右就起行去旺角～！！

因為個friend話想出去睇套3D戲，而我咁o岩又要出去旺角買野俾『愛人』．．．
所以我地就決定去朗豪坊到睇，不過事前就當然要去食左個lunch先啦～！！

我地兩個首站就係去買戲飛，期後就o係商場入面行左陣兼食埋野．．．
期後到差唔多夠鐘之時就入場睇戲，而我自己今次都係第一次去睇3D戲咋～！！
雖然睇完左套戲都唔係好知佢講咩，但係佢o既電影效果都真係唔錯囉～！！

到睇完左戲之後，我地就行返過去另一個商場到買野俾『愛人』啦．．．
因為我知道佢鐘意睇波o既關係，所以我就諗住買件有相關球隊o既衫俾佢嚕～！！

其實我原定係計劃晚飯後先過去佢到，不過佢就叫我早ｄ過去搵佢啦～！！
所以我同個friend就要各自散水，而我就過去搵佢傾下野兼拎埋份野送俾佢啦～！！

一開始見到佢就已經feel到佢死下死下，所以我都有少少擔心佢做咩啦～？！
其一係因為某女子唔覆佢SMS啦，其二就係o黎緊o既presentation又令佢苦惱～！！

其實呢段時間幾次o既私底下見面，我都從未見過佢咁o既死樣囉．．．
而佢就話佢今日心情唔知點解麻麻地，所以就搞到個人唔係太想講野喇～！！

其實我早就預告左呢次見面係有野俾佢，不過會合後做o既就係先去買野飲～！！
及後佢就同我講下尋日放假o既事，原來佢由3pm玩到4am先返到屋企訓呀～！！
同時佢又指出尋日出席o既活動其實係被迫，而且當中o既環境亦令佢好討厭喎～！！

佢全個下午都o係尖沙咀活動，而全程主要都係食野、飲野同埋行左陣街啦～！！
至於夜晚就出席人地o既生日活動，不過就係去左個嘈爆o既disco到飲野囉～！！
佢話全晚只係飲左一支酒，但係呢個嘈爆o既環境就令佢覺得好嘈好討厭～！！

另一方面．．．
就住佢上次問我o既部份話題，我今次都準備左答案去俾佢知道啦～！！
而且佢今轉亦都同我講左一件事，就係我地圍內五個同事當中o既定位嚕～！！

原來．．．我o係佢地眾人心目中，都係一個可以持續發展o既朋友呀～！！
不過佢地另外幾個對大家之間o既定位，我亦都從『愛人』口中得知囉～！！

而o係見完『愛人』之後，我就折返屯門同個朋友去M記食左ｄ野啦～！！
其實今日飲飲食食o既時段都唔少，所以我今日全日都keep住係好飽嚕～！！
同個朋友見左一陣兼吹左陣水之後，今日全日行程就要正式完結喇～！！