＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
不論係身邊o既朋友定係自己愛人，每每都需要花時間同心機去了解對方～！！
前後只係用左兩次私底下會面o既時間去對話，佢已經覺得我好了解佢個性喇～！！

我一直都覺得同事間係唔需要作太深入了解，因為根本冇呢個必要嘛．．．
大家見面o既機會就只係開工時間，而且收工之後又已經變左做另一回事喇～！！
我好清楚自己性格係點樣，同時亦都好知道自己將關係劃分得好清楚～！！

今日就係出糧o既日子，所以志仁就叫我陪佢去剪頭髮兼食晚飯啦．．．
收工之後就成班男仔一齊搭車走人，而我就先同佢去左新墟剪髮啦～！！

到志仁搞掂晒之後就打埋俾Larry哥，叫佢過埋o黎何福堂一齊食飯喇～！！
呢場係主力講公司事同埋老細壞話之外，另外就係提到對班同事o既觀感～！！

至於Larry哥唔在場o既兩個時段，就梗係俾我同志仁講下我地o既私事啦～！！
而全公司上下．．．我除左會當佢係朋友之外，其他o既就只限於係同事關係～！！

由於平日工作時間對話有限，所以唯有抽呢ｄ時間真正去傾下計啦．．．
對上一次就有埋Tina在場一齊傾，而今次就只係得我自己一個撐場咋～！！

因為要應付佢玩玩下o既性格，其實同佢玩問答都真係幾頂癮嚕～！！
佢ｄ似是而非o既答案真係好難捉摸，所以就一定要加埋平日o既表現去諗～？！

雖然佢平時俾人o既感覺好似玩玩下，不過呢個都只係表面野咋．．．
因為佢呢個星座o既人就係呢種個性，因為佢內心係會有住另外一套嚕～！？
正正就係因為佢成日表裡不一o既感覺，所以只有了解左先唔會咁易有爭執～！！

透過兩次o既對話同交流，令我更加清楚知道佢係一個點樣o既人囉～！！
傾完計兼又陪佢行左陣睇埋ｄ衫褲之後，送埋佢去車站搭車就正式散喇～！！

至於散左之後．．．
佢用SMS同我講左o既一句”Thanks”啦，呢句說話證明我冇睇錯人．．．
就係呢一句簡單o既說話，同時證明左我今晚o既努力係冇白費到o既～！！