＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
農曆新年過左之後，時間話咁快就已經o黎到左近月尾啦．．．
呢個月雖然先後見左好多人，又同左唔少人有過傾計o既機會啦～！！

不過仲有一個好重要o既人，就到左今晚先正式出場同我見面喎．．．
咁當然呢個就係我最錫o既寶貝仔，而今晚又係一次開心o既回憶喎～！！

上星期時間落實左今晚有飯局，至於是次飯局就安排左o係油麻地啦．．．
所以o係收左工之後就要飛快咁趕出去，因為我要爭取時間同個仔見面嘛～！！

至於今次o既計劃同安排係全權由個仔負責，當然呢次之行都係好新鮮啦～！！
去到一間大排長龍o既飯店食煲仔飯，感覺都相當唔錯同埋好特別呀～！！^.^
一向俾人感覺冇咩情趣o既佢，今次的確又俾到一個新o既驚喜我唷～！！

而今個月唯一一次會面，所以我地要交代o既野都真係非常之多呀．．．
除左講晒近月及早前發生o既事之外，同時又要講埋下個月o既活動計劃啦～！！

由於早前已經講左話會搞次唱Ｋ活動，而日子亦已暫定左o係三月份喇．．．
而關於早前我地分別所發生o既事呢，就真係有好多環節要提及同埋分享嚕～！！

我主力就講下近月公司同生活上o既事，而個仔就梗係繼續忙於學業啦～！！
除此之外．．．佢早前亦有去過唔少活動，同時又出席過其他飯局啦～！！

自放完假之後o既佢，就真係爆忙到連我地傾計o既時間都搞到少左呀．．．
而且今日o既佢先做完個presentation喎，所以今日個look都真係特別正經喎～！？

講完唔少生活事及完左飯局後，我地就齊齊返行落去旺角搭車返屯門喎～！！
原本我都以為個仔會返宿舍訓啦，但估唔到佢會陪我一齊搭車返入o黎囉～！！^.^

至於回程所講到o既話題方面，就梗係比早前o既變得認真些少喇．．．
因為呢次轉到提及感情事宜之外，重點就係講到佢o係生活上要求變o既方向呀～！！
而且呢個課題，亦都將會係佢今年一個幾重點要處理同學習o既問題之一喇～！！

唔知點解．．．今次見面，個仔就俾到一種好新鮮同埋唔同左o既感覺我呀～！！
而呢種感覺係好奇妙同埋開心，因為我好似突然間搵到一個新o既佢咁呀～？！