＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
新年時間都過得七七八八喇，而今日終於都要郁手拆利是啦．．．
今年o既進帳同往年都係差唔多，不過呢ｄ都只係一個數字遊戲嚕～！！

而今日下午就去左粉嶺一轉，因為兩個同事約左我一齊去食野兼吹水～！！
好耐都冇踏足過呢個地方，而且我又覺得去呢到好似要好遠咁喎～！？

因為由屯門出發去呢到路程都唔短，不過今日去程就比我想像中快喎～！！
不過要搭車去佢地到都幾麻煩，因為ｄ車基本上全部都係要兜路o架～！！

分別同阿So及Tina通完電之後，我就開始搭車過去搵佢地喇．．．
而我去到上水附近又要再打俾佢地，因為佢地都要預返時間過去嘛～！！

至於佢地見到我o既第一反應，就係覺得我放假o既衣著同返工好唔同～？！
佢地都分別有問我，點解平時返工o既日子都從未見過我著呢ｄ衫褲喎～？！

而我地三個去左粉嶺中心食返個tea之後，及後就轉左去公園到吹水喇．．．
一心諗住同阿So傾下相關o既公事及私事，起碼都叫做提下佢有咩要小心啦～！？

公事方面都要大家過下料同分析下，至於私事方面就傾下我地個人o既事啦～？！
其實今次都係第一次同佢地兩個約埋，而且仲傾左好多平日公司講唔到o既野～！！

無奈．．．阿So個衰仔講野又真假難分，個人又成日都好似玩玩下咁喎～！？
今次會面好似叫做了解得多左ｄ啦，不過佢o既性格同答案真係玩死人呀～！！

三個圍埋吹左一個下午都幾開心，不過Tina就明顯比較少野講咁囉．．．
而到我地傾到差唔多時間之後，佢地就送左我去火車站搭車返屋企喇～！！