＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

呢排多左同班同事聯誼，所以呢期大家ｄ感情都叫做唔錯啦．．．
而且呢排大家都又多左圍埋一齊吹水同玩，所以關係都應該唔太差啦～！！

除左繼續同佢地合作同聽故事之外，我地近日ｄ『感情』線仲好亂添～！！
因為我o係公司無啦啦多左個『愛人』，不過我同佢又的確係好玩得o既～！！

另一方面．．．
今晚約左Angela同埋大妹去食宵夜，所以晚飯之後又要再出過街啦～！！
不過今晚天氣真係好凍，所以我地都係揀左食完野之後就即時散喇～！！

由於Angela早前突然間去左泰國，而佢又買左ｄ手信要拎埋俾我啦．．．
所以我地今晚就有呢個簡單約會，至於我就早少少去左大妹公司接埋佢先～！！

期後就陪阿妹去買左ｄ野先，最後先至一齊返過景峰會合埋Angela啦～！！
趁住見到面o既時間都盡量傾多ｄ計，咁當然我同阿妹都有講到感情問題啦～！！

再加埋早前家族上發生o既事，其實大家最要反省o既就係相處上問題啦～？！
因為一段關係o既好與壞，溝通同埋共識呢兩方面往往就好易成為致命傷～！！

呢排多左同身邊人談到愛情問題，不論係同事定係掛牌成員都好．．．
大家都覺得人大左就會多左顧慮，因為拍拖真係唔係兩個人o既事咁簡單～？！

從前細個未懂性同埋冇後顧之憂o既拍拖，相比起宜家要諗埋日後o既責任．．．
呢ｄ無形o既壓力真係要諗得清清楚楚，因為開始左之後就要顧多好多範疇嚕～！！

又或者咁講啦．．．
處理只係兩個人o既世界，點都比處理兩個圈子o既人為簡單同埋直接囉～！！